“Tansoqchi” filmidagi roli orqali dunyo bo‘ylab mashhurlikka erishgan Kevin Kostner may oyida ikkinchi rafiqasi bilan munosabatlariga nuqta qo‘yganini ma’lum qildi. Aktyor Kristinadan oilaviy uyini tark etishni talab qildi. Hozirda juftlik farzandlari uchun aliment to‘lash bilan bog‘liq masalalarni hal qilmoqda.
.jpg)
Aktyorning sobiq sevgilisi uni daromadining katta qismini yashirganlikda ayblamoqda. Baumgartnerning advokatlari Kaliforniya Oliy sudidan Kostnerning “Gorizont” filmidagi “kelajakdagi faoliyati va kutilayotgan daromadi”ni tavsiflovchi hujjatlarni e’lon qilishni so‘radi. 49 yoshli model vakillarining aytishicha, 68 yoshli aktyor aliment to‘lash va nikohdan oldingi kelishuv bo‘yicha sud majlislarida bu ma’lumotni taqdim etishga to‘sqinlik qilgan.
“Kevin Kristinaning farzandiga aliment undirish bo‘yicha sud ishini bir necha kunga cho‘zishni so‘ragan. Bu vaqt davomida sud uning naqd pul tushumlari va to‘lovlar, qo‘llab-quvvatlash uchun mavjud bo‘lgan va kelajakda kutilayotgan daromadlari o‘rtasidagi farqqa tegishli tasdiqlarni oladi”, — deydi Baumgartnerning advokati.
Aktyorning sobiq rafiqasining advokati ham sud qaror qabul qilish uchun ushbu holatlar tasdiqlanishi kerakligini ta’kidlagan. Biroq Kristinaning o‘zi buni Kevindan ololmaydi. “Kristina Kevin buni ommaga oshkor qilmaslikni tanlaganiga hech qanday dalil keltira olmaydi”, — deydi Baumgartnerning matbuot kotibi.
Kostnerning advokati aktyorning “Gorizont” loyihasida suratga tushgani uchun oladigan gonorari farzandlariga aliment to‘lash masalasidagi kerakli ma’lumot emasligini aytgan. “Ushbu hujjatlar Kristinaning aliment to‘lash so‘roviga va Kevinning aliment to‘lash uchun mavjud bo‘lgan umumiy pul tushumini hisoblashga umuman aloqador emas”, — deydi advokat People nashriga bergan intervyusiga.
Baumgartner Kostnerning ikkinchi rafiqasi hisoblanadi. Aktyor va modelning turmush qurganiga 18 yil bo‘ldi. Juftlikning uch nafar — 15 yoshli Kayden, 14 yoshli Xeys va 12 yoshli Greys ismli farzandlari bor. Aktyorning rafiqasi to‘plangan da’volar tufayli ajrashish uchun ariza bergan. Kristinaga Kevinning “suratga olish maydonchasida g‘oyib bo‘lishi va oilasiga umuman e’tibor bermasligi” yoqmagan.
Izoh (0)