Xitoyda elektron dafn marosimi g‘oyasi sinovdan o‘tkazila boshlandi

Xitoy ekologik toza elektron dafn marosimlarini sinovdan o‘tkazmoqda. Raqamli qabristonlar yer yetishmasligi sababli paydo bo‘lmoqda.

Dafn kompaniyalari ikki metrlik onlayn joyni taklif qilishmoqda. Bu yerda vafot etganlarning bosib o‘tgan hayot yo‘li haqida hikoya qilinadi. Kompaniyalar vafot etgan insonning yaqinlari tomonidan taqdim etiladigan audioyozuvlar, fotosuratlar va xotiralar asosida ularning raqamli tasvirlarini yaratadilar. Bundan tashqari, elektron dafn marosimlari an’anaviylarga qaraganda deyarli ikki baravar arzon.

Avvalroq Buyuk Britaniyada o‘liklarni ishqorli qaynoq suvda kuydirish taklif qilingani haqida xabar berilgandi. Yangilik tashabbuskorlari uni an’anaviy krematsiyadan ko‘ra ekologik jihatdan qulayroq deb hisoblashadi. Jarayon rezomatsiya yoki “suv krematsiyasi” deb nomlangan.