Madagaskar poytaxti Antananarivo shahrida 11-Hind okeani o‘yinlarini tomosha qilishga kelgan olomon “Barea” stadioniga kiraverishda tiqilinch hosil qildi. Oqibatda 12 kishi halok bo‘ldi.
Orange Actu Madagascar ma’lumotlariga ko‘ra, kamida 80 kishi jarohatlangan. Ularning aksariyati kasalxonaga yotqizilgan, ba’zilari esa og‘ir operatsiyaga olib kirilgan.
Portalning yozishicha, politsiya katta olomon haqida zudlik bilan ogohlantirgan va ko‘plab tomoshabinlardan uyda qolishni so‘ragan. Biroq ular ko‘rsatmalarga amal qilmagan, huquq-tartibot xodimlari esa olomonni ushlab tura olmagan.
Keyinchalik Madagaskar hukumati fojia oqibatida jabrlanganlarning barchasiga g‘amxo‘rlik qilinishi va ularning davolanish xarajatlari to‘lanishini ma’lum qildi.
Aprel oyida Yaman poytaxti Sano markazida xayriya tadbiri chog‘ida yuz bergan tiqilinchda 80 ga yaqin odam halok bo‘lgandi. Odamlar Bob al-Yaman tumanida tadbirkorlardan moddiy yordam — zakot olish uchun yig‘ilgan. Yuzlab odamlar tor ko‘chada to‘planib, pul tarqatilayotgan joyga yaqinlashishga uringan.
Izoh (0)