Ukrainalik qochqinlar Isroil kasalxonalarida bepul tibbiy yordam olish imkoniyatidan mahrum bo‘ldi, bundan tashqari, 60 yoshdan oshgan Ukraina fuqarolari uchun sug‘urta bekor qilindi. Bu haqda Isroil ijtimoiy himoya vazirligiga tayanib, NEWSru xabar bermoqda.
Isroil Moliya vazirligi kutilmaganda isroillik bo‘lmagan fuqarolarning davolanishi uchun pul to‘lashni to‘xtatishga qaror qildi. Hozirda mamlakatda qochqin maqomida bo‘lgan 14 692 nafar Ukraina fuqarosi bor. Moliyalashtirishni to‘xtatish sababi oshkor etilmagan.
Ukrainada keng ko‘lamli urush boshlanganidan beri Isroil Moliya vazirligi ukrainalik qochqinlarga yordam berish uchun 100 million shekel (taxminan 30 million dollar) ajratdi. Ushbu mablag‘ning 80 foizi dori-darmonlarga sarflangan.
Avvalroq Polshadagi qochqinlar markazida ukrainaliklar ommaviy zaharlangani haqida xabar berilgandi.
Avval Birlashgan Millatlar Tashkiloti urush boshlanganidan buyon Yevropaga kelgan ukrainalik qochqinlar soni 8 millionga yaqinlashganini ma’lum qilgan.
Izoh (0)