Polshadagi qochqinlar markazida ukrainaliklar ommaviy zaharlandi

Polshaning Gluxolazi shahridagi ukrainalik qochqinlar markazida 20 dan ortiq kishi zaharlanish alomatlari bilan kasalxonaga yotqizildi. Bu haqda in Poland xabar berdi.

Ma’lumotlarga ko‘ra, zaharlanish 23 kishida, jumladan 8 nafar yoshi kattalar va 15 nafar bolada qayd etilgan.

“Bizning shifoxonaga kelgan bemorlarning uch nafari bolalar bo‘limida, to‘rt nafari esa yuqumli kasalliklar bo‘limida. Ularning ahvolini yaxshi deb baholash mumkin. Hozircha laboratoriya natijalari yo‘q, ammo alomatlar ovqatdan zaharlanishni ko‘rsatmoqda”, — deydi Nis shahridagi shifoxona direktori Norbert Kraychi.

Ta’kidlanishicha, zaharlanish virusli xususiyatga ega bo’lishi mumkin, chunki bir bemorda koronavirus belgilari aniqlangan.

Yevropa Ittifoqidagi ukrainalik qochqinlar

BMTning Qochqinlar bo‘yicha Oliy komissarligi ma’lumotlariga ko‘ra, hozirda Yevropa davlatlarida turli himoya sxemalari ostida 4,5 millionga yaqin ukrainalik qochqin ro‘yxatga olingan, ularning ko‘pchiligi Ukraina bilan chegaradosh davlatlar — Slovakiya, Polsha, Vengriya va Ruminiyada.

Yevropa komissiyasi ukrainalik qochqinlarni qabul qilish va ularni himoya qilish qoidalarini bir yilga uzaytirgan.

Shuningdek, Sharqiy Yevropa mamlakatlarida qishki sovuq va Rossiyaning Ukrainadagi energetika obyektlariga hujumi tufayli qochqinlarning yangi to‘lqinini qabul qilishga hozirlik ko‘rilmoqda. JSST prognozlariga ko'ra, yana 2-3 million odam shu sabablarga ko'ra Ukrainani tark etishi mumkin.