Qozog‘istonda tovuq go‘shti 11 foizga qimmatlashdi. Bu haqda EnergyProm xabar berdi.
Tahlil portaliga ko‘ra, narxlar eksport hisobiga ko‘tarilib, 3 barobarga oshgan. O‘tgan olti oyda Qozog‘istonda parranda go‘shtini ishlab chiqarish 27 foizga oshib, 170,7 ming tonnaga yetdi.
Ishlab chiqarish bo‘yicha Oqmo‘la viloyati yetakchi bo‘lib, uning hissasiga 27,7 ming tonna go‘sht, Olmaota viloyatiga esa 27,2 ming tonna go‘sht to‘g‘ri kelmoqda.
“Umuman olganda, 2022-yilda mamlakatda 121,2 ming tonna yangi yoki sovitilgan parranda go‘shti (yiliga 7,8 foiz ko‘p) va 120,8 ming tonna muzlatilgan parranda go‘shti (4,9 foiz kam) ishlab chiqarildi”, — deyiladi portalda.
O‘tgan olti oyda Qozog‘istonda parranda go‘shti va qo‘shimcha mahsulotlarga, jumladan, ichki xarid va eksportga bo‘lgan talab 73,5 foizga oshdi. Import ham qariyb 6 foizga oshib, 49,1 ming tonnani tashkil etdi.
14,1 ming tonna tovuq go‘shti xorijga jo‘natildi, 170 ming tonnadan ortig‘i esa ichki bozorga sotildi.
“Joriy yilning iyun oyida parranda go‘shti narxi yillik dinamikada 10,8 foizga oshdi. Jumladan, tovuq go‘shti — 13,9 foizga, tovuq oyoqlari — 6 foizga, tovuq to‘shi —18,2 foizga, son —18,6 foizga qimmatlashdi.
“O‘ylaymanki, biz tannarxning oshishini kutishimiz kerak, chunki bu yil Rossiya don bitimidan chiqmoqda, don narxi oshadi. Agar bu sodir bo‘lsa, parranda go‘shti narxi ham oshadi, chunki ozuqa muhim rol o‘ynaydi”, — deydi qishloq xo'jaligi mutaxassisi Kirill Pavlov.
Parranda go‘shti narxining eng katta o‘sishi Pavlodar viloyatida – 23,6 foizga, eng kichigi esa Mang‘istov viloyatida – 0,6 foizga qayd etilgan.
O‘zbekiston qaysi davlatlardan parranda go‘shti import qiladi?
Statistika agentligining 2022-yilgi ma’lumotlariga ko‘ra, O‘zbekiston 15 ta davlatdan parranda go‘shtini import qiladi. Ular orasida yetakchi bo‘lgan davlatlar quyidagilar:
- Polsha;
- Turkiya;
- Rossiya;
- Belgiya;
- AQSH;
- Niderlandiya;
- Litva;
- Germaniya.
Izoh (0)