Qozog‘istonning Ostona shahrida erkak parashyutdan sakrashi oqibatida vafot etdi. Bu haqda Tengrinews xabar berdi.
58 yoshli erkak parashyutdan sakrashdan keyin og‘ir jarohatlar olgan. Jabrlanuvchi ko‘p tarmoqli shifoxonaning jonlantirish bo‘limiga yotqizilgan, biroq shifokorlar uni saqlab qolishga ulgurmagan.
“31-iyul kuni Olmaota tumanidagi politsiya navbatchi bo‘limiga ko‘p tarmoqli shahar shifoxonasidan bemor reanimatsiya bo‘limida vafot etgani haqida xabar kelib tushdi.
Aniqlanishicha, 58 yoshli erkak tez yordam mashinasida Ostona—Ko‘kshetov shossesi bo‘yida joylashgan parashyut klubidan og‘ir tan jarohatlari bilan shifoxonaning jonlantirish bo‘limiga olib ketilgan”, — deyiladi xabarda.
Mazkur holat yuzasidan tergovga qadar surishtiruv olib borilib, zarur sud-tibbiy ekspertizalari tayinlangan. Jinoyat-protsessual kodeksining 201-moddasiga asosan boshqa ma’lumotlar oshkor etilmagan.
Avvalroq Issiqko‘lda erkak parashyut bilan charxpalak attraksioniga ilinib qolgandi. Hodisaga erkakning parashyut boshqaruvini yo‘qotib qo‘ygani sabab bo‘lgan. Erkak jarohat olgani yoki yo‘qligi ma’lum qilinmagan.
Izoh (0)