Қозоғистонда товуқ гўшти 11 фоизга қимматлашди. Бу ҳақда EnergyProm хабар берди.
Таҳлил порталига кўра, нархлар экспорт ҳисобига кўтарилиб, 3 баробарга ошган. Ўтган олти ойда Қозоғистонда парранда гўштини ишлаб чиқариш 27 фоизга ошиб, 170,7 минг тоннага етди.
Ишлаб чиқариш бўйича Оқмўла вилояти етакчи бўлиб, унинг ҳиссасига 27,7 минг тонна гўшт, Олмаота вилоятига эса 27,2 минг тонна гўшт тўғри келмоқда.
“Умуман олганда, 2022 йилда мамлакатда 121,2 минг тонна янги ёки совитилган парранда гўшти (йилига 7,8 фоиз кўп) ва 120,8 минг тонна музлатилган парранда гўшти (4,9 фоиз кам) ишлаб чиқарилди”, — дейилади порталда.
Ўтган олти ойда Қозоғистонда парранда гўшти ва қўшимча маҳсулотларга, жумладан, ички харид ва экспортга бўлган талаб 73,5 фоизга ошди. Импорт ҳам қарийб 6 фоизга ошиб, 49,1 минг тоннани ташкил этди.
14,1 минг тонна товуқ гўшти хорижга жўнатилди, 170 минг тоннадан ортиғи эса ички бозорга сотилди.
“Жорий йилнинг июнь ойида парранда гўшти нархи йиллик динамикада 10,8 фоизга ошди. Жумладан, товуқ гўшти — 13,9 фоизга, товуқ оёқлари — 6 фоизга, товуқ тўши —18,2 фоизга, сон —18,6 фоизга қимматлашди.
“Ўйлайманки, биз таннархнинг ошишини кутишимиз керак, чунки бу йил Россия дон битимидан чиқмоқда, дон нархи ошади. Агар бу содир бўлса, парранда гўшти нархи ҳам ошади, чунки озуқа муҳим рол ўйнайди”, — дейди қишлоқ хўжалиги мутахассиси Кирилл Павлов.
Парранда гўшти нархининг энг катта ўсиши Павлодар вилоятида – 23,6 фоизга, энг кичиги эса Манғистов вилоятида – 0,6 фоизга қайд этилган.
Ўзбекистон қайси давлатлардан парранда гўшти импорт қилади?
Статистика агентлигининг 2022 йилги маълумотларига кўра, Ўзбекистон 15 та давлатдан парранда гўштини импорт қилади. Улар орасида етакчи бўлган давлатлар қуйидагилар:
- Польша;
- Туркия;
- Россия;
- Бельгия;
- АҚШ;
- Нидерландия;
- Литва;
- Германия.
Изоҳ (0)