Qozog‘istonning Olmaota shahridagi 16 qavatli uyda yong‘in chiqdi, binodagilar derazadan bolalarni tashlamoqda. Bu haqda Tengrinews xabar berdi.
Ijtimoiy tarmoqlarda Akkent mikrorayonidagi yong‘in aks etgan kadrlar paydo bo‘ldi. Kadrlarda onaning navbatma-navbat bolalarini derazadan uloqtirgani, keyin esa o‘zi ham sakragani aks etgan. Pastdagi erkaklar esa ularni matras yordamida qutqarib qolgan.
Favqulodda vaziyatlar boshqarmasi xabar berishicha, 1-avgust kuni soat 17:10 da (Toshkent vaqti bilan 18:10) FVV kuch va vositalari yong‘inni o‘chirishga jalb qilingan. 16 qavatli turar joy binosining 5-qavatida joylashgan xonadon ochiq alanga bilan yonayotgani aniqlangan.
Ko‘p qavatli uyning 5–6-qavatlari darajasida lift shaxtasida elektr kabeli yonib ketgan. Mahalliy vaqt bilan soat 18:00 holatiga ko‘ra, yong‘inni o‘chirish davom etmoqda. Yong‘in sodir bo‘lgan hudud aniqlanmoqda.
“O‘t o‘chiruvchilar yuqori qavatdagilarni evakuatsiya qilmoqda. 300 ga yaqin odam qutqarib olingan. Yong‘inni o‘chirish davom etmoqda. 50 nafar shaxsiy tarkib va 14 ta texnika, jumladan, 3 ta avtonarvon jalb qilingan”, — deyiladi FVV xabarida.
Izoh (0)