Rossiyaning Leningrad viloyati Vsevolojsk shahrida ayolni o‘g‘irlamoqchi bo‘lgan ikki migrant hibsga olindi. Bu haqda 78.ru xabar berdi.
Tergov ma’lumotlariga ko‘ra, 21-iyun kuni sudlanuvchilar mashinada Kasimov qishlog‘iga yetib kelgan. U yerda 26 yoshli ayolni ushlab, mashinaga o‘tqazib, noma’lum tomonga olib ketmoqchi bo‘lishgan. Jabrlanuvchi qarshilik ko‘rsatgan.
Ayol mashinaga gaz purkagich sepib, qochishga muvaffaq bo‘lgan, keyin esa politsiyaga murojaat qilgan.
Tergovchilar jabrlanuvchi deportatsiya qilingan O‘zbekiston fuqarosi bilan birga yashaganini aniqlashgan. Biroq erkak familiyasini o‘zgartirib, Sankt-Peterburgga qaytib kelgan. U sevgilisini topishga va do‘sti bilan uni o‘g‘irlashga qaror qilgan.
Politsiya 23-iyun kuni Rudneva ko‘chasidagi 29-uyga yetib kelgan va u yerda ikki muhojirni qo‘lga olgan. Ular so‘roq qilinib, vaqtinchalik saqlash hibsxonasiga jo‘natilgan.
Migrantlarga nisbatan Rossiya Jinoyat kodeksining 126-moddasi (“Bir guruh shaxslar tomonidan oldindan kelishuv bo‘yicha odam o‘g‘irlash”) bo‘yicha jinoiy ish qo‘zg‘atilgan.
Izoh (0)