Bloomberg agentligining prognozlariga ko‘ra, iyun oyida Xitoyda yengil avtomobillar savdosi o‘tgan yilning iyuniga nisbatan 5,9 foizga kamayishi va 1,83 million donani tashkil qilishi mumkin. Tahlilchilar buni iqtisodiyot o‘sishining sekinlashuvi sharoitida talabning kamaygani bilan izohlamoqda.
O‘tgan haftada Amerikaning Goldman Sachs investitsiya banki tahlilchilari Xitoy iqtisodiyotining 2023 va 2024-yillarda o‘sish prognozini mos ravishda 6 foizdan 5,4 foizga va 4,6 foizdan 4,5 foizga pasayishini prognoz qildi.
Avvalroq Shveysariyaning UBS banki va Amerikaning JPMorgan Chase hamda Bank of America tahlilchilari Xitoy yalpi ichki mahsulotining joriy yildagi dinamikasi bo‘yicha o‘z prognozlarini pasayish tomon o‘zgartirishgandi.
Xitoy hukumatining prognozlariga ko‘ra, bu yil mamlakat yalpi ichki mahsuloti 5 foizga o‘sadi.
Xitoy avtomobillar assotsiatsiyasi ma’lumotlariga ko‘ra, joriy yilning dastlabki besh oyida Xitoyda avtomobil savdosi o‘tgan yilning shu davriga nisbatan 4,2 foizga oshgan.
Mutaxassislar kuchli raqobat tufayli ayrim avtomobil modellari narxlari 40 foizga pasaygani va talabni rag‘batlantirish maqsadida davlat tomonidan avtomobil sotib olayotganda turli imtiyozlar berilayotganini hisobga olib, bunday dinamikani juda “kamtarona” deb hisoblamoqda.
Izoh (0)