Россияда ўзбекистонлик мигрант аёл кишини ўғирлашга уринди

Россиянинг Ленинград вилояти Всеволожск шаҳрида аёлни ўғирламоқчи бўлган икки мигрант ҳибсга олинди. Бу ҳақда 78.ru хабар берди.

Тергов маълумотларига кўра, 21 июнь куни судланувчилар машинада Касимов қишлоғига етиб келган. У ерда 26 ёшли аёлни ушлаб, машинага ўтқазиб, номаълум томонга олиб кетмоқчи бўлишган. Жабрланувчи қаршилик кўрсатган. 

Аёл машинага газ пуркагич сепиб, қочишга муваффақ бўлган, кейин эса полицияга мурожаат қилган. 

Терговчилар жабрланувчи депортация қилинган Ўзбекистон фуқароси билан бирга яшаганини аниқлашган. Бироқ эркак фамилиясини ўзгартириб, Санкт-Петербургга қайтиб келган. У севгилисини топишга ва дўсти билан уни ўғирлашга қарор қилган.

Полиция 23 июнь куни Руднева кўчасидаги 29-уйга етиб келган ва у ерда икки муҳожирни қўлга олган. Улар сўроқ қилиниб, вақтинчалик сақлаш ҳибсхонасига жўнатилган.

Мигрантларга нисбатан Россия Жиноят кодексининг 126-моддаси (“Бир гуруҳ шахслар томонидан олдиндан келишув бўйича одам ўғирлаш”) бўйича жиноий иш қўзғатилган.