Niderlandiya bojxonachilari Rotterdam portida banan solingan konteyner ichidan uch yarim tonnadan ortiq kokain topdi. Bu haqda mamlakat prokuraturasi xabar bermoqda.
Prokuratura maʼlumotlariga ko‘ra, kokain Ekvadorda konteynerga joylashtirilgan. Mazkur konteyner Zelandiyadagi (Niderlandiya provinsiyalaridan biri) kompaniyaga yetkazilishi ko‘zda tutilgan edi.
Shu bilan birga, prokuratura kompaniyaning o'zi, katta ehtimol bilan, giyohvand moddalar kontrabandasiga hech qanday aloqasi yo'q deb hisoblamoqda.
Mutaxassislarning qayd etishicha, bunday katta miqdordagi kokain partiyasining qora bozordagi narxi taxminan 269 million yevroga teng.
Izoh (0)