Ko‘pchiligimiz kundalik hayotda muntazam ravishda stressga duch kelamiz. Ko‘pincha bu eng oddiy holatlar bo‘ladi, masalan, ish bilan bog‘liq muammolar yoki ishga ketayotganda asabga teguvchi tirbandlik, shu tirbandlik sabab kechikishingiz mumkin. Odatda, organizm ular bilan kurashadi, agar biz doimiy stressni his qilsak, bu bora-bora bizni muvozanatdan chiqaradi. Ushbu alomatlar signal bo‘lishi kerak — organizm jar yoqasida turibdi, deb yozadi The Voice Mag nashri.
Stress jismoniy va ruhiy kasalliklarning keng tarqalgan sababi bo‘lib, sog‘lig‘imizga jiddiy zarar yetkazishi hech gap emas. Bizni bu haqda ogohlantirish uchun organizm stress belgilari sifatida tan olishimiz mumkin bo‘lgan ogohlantiruvchi signallar yuboradi. Ularni jiddiy qabul qilish zarur. Stress belgilarini e’tiborsiz qoldirgan har bir kishiga, masalan, yurak-qon tomir kasalliklari yoki depressiya xavfining sezilarli darajada oshishi tahdid soladi.
Stress belgilarini qo‘zg‘atuvchilar
Insonlarda stressga bardosh berish qobiliyati har xil, chunki har kim vaziyatni turlicha qabul qiladi. Biroq stress belgilarini qo‘zg‘atuvchilar ko‘pchilik uchun birxil. Eng keng tarqalganlari quyidagilar sanaladi:
- yuqori natijalarga erishish zaruriyati tufayli bosimning mavjudligi;
- vaqt muammosi;
- shaxsiy hayot yoki kasbdagi nizolar;
- hissiy ortiqcha zo‘riqish;
- muvozanatning yo‘qligi;
- qo‘rquv va xavotirlar.
Stressning belgilari — quyida eng ko‘p uchraydigan 9 ta shikoyat turi keltirilgan:
- uyqusizlik;
- bezovtalik hissi;
- oshqozon-ichak muammolari;
- taxikardiya;
- teri toshmalari;
- yelka va bo‘yinda zo‘riqish;
- bosh og‘rig‘i;
- immunitet zaiflashuvi;
- ayollarda tartibsiz hayz ko‘rish bilan bog‘liq muammolar.
Izoh (0)