Кўпчилигимиз кундалик ҳаётда мунтазам равишда стрессга дуч келамиз. Кўпинча бу энг оддий ҳолатлар бўлади, масалан, иш билан боғлиқ муаммолар ёки ишга кетаётганда асабга тегувчи тирбандлик, шу тирбандлик сабаб кечикишингиз мумкин. Одатда, организм улар билан курашади, агар биз доимий стрессни ҳис қилсак, бу бора-бора бизни мувозанатдан чиқаради. Ушбу аломатлар сигнал бўлиши керак — организм жар ёқасида турибди, деб ёзади The Voice Mag нашри.
Стресс жисмоний ва руҳий касалликларнинг кенг тарқалган сабаби бўлиб, соғлиғимизга жиддий зарар етказиши ҳеч гап эмас. Бизни бу ҳақда огоҳлантириш учун организм стресс белгилари сифатида тан олишимиз мумкин бўлган огоҳлантирувчи сигналлар юборади. Уларни жиддий қабул қилиш зарур. Стресс белгиларини эътиборсиз қолдирган ҳар бир кишига, масалан, юрак-қон томир касалликлари ёки депрессия хавфининг сезиларли даражада ошиши таҳдид солади.
Стресс белгиларини қўзғатувчилар
Инсонларда стрессга бардош бериш қобилияти ҳар хил, чунки ҳар ким вазиятни турлича қабул қилади. Бироқ стресс белгиларини қўзғатувчилар кўпчилик учун бирхил. Энг кенг тарқалганлари қуйидагилар саналади:
- юқори натижаларга эришиш зарурияти туфайли босимнинг мавжудлиги;
- вақт муаммоси;
- шахсий ҳаёт ёки касбдаги низолар;
- ҳиссий ортиқча зўриқиш;
- мувозанатнинг йўқлиги;
- қўрқув ва хавотирлар.
Стресснинг белгилари — қуйида энг кўп учрайдиган 9 та шикоят тури келтирилган:
- уйқусизлик;
- безовталик ҳисси;
- ошқозон-ичак муаммолари;
- тахикардия;
- тери тошмалари;
- елка ва бўйинда зўриқиш;
- бош оғриғи;
- иммунитет заифлашуви;
- аёлларда тартибсиз ҳайз кўриш билан боғлиқ муаммолар.
Изоҳ (0)