“Mehridaryo” loyihasiga toshkentlik Dildora Egamberdiyeva murojaat qilib, o‘zi va farzandining sog‘ligini tiklash uchun xalqdan yordam so‘ramoqda.
— Turmush o‘rtog‘im bilan 5 yildan buyon birga yashamayman. Oilada jiddiy nizoli vaziyatlar sabab munosabatlarimizga darz ketgan. Bunga uchinchi farzandimning nogiron tug‘ilgani ham sabab bo‘lgan. Ota-onamning uyida yashab DSP kasalligi bilan tug‘ilgan farzandimni davolatishga harakat qildim. Uch yillik tinimsiz muolajalardan so‘ng qizimning qo‘l va oyoq harakatlari ancha ijobiy tomonga o‘zgardi. Hozir qo‘lidan tutsam yuroladi. 2018-yilda tinimsiz stresslar va homiladorligimda yiqilib gemotoma bo‘lganligim sabab tutqanoq kasalligiga chalindim. O‘zimni bilmay, xushumdan ketib qolaman. Endi esa qonimdagi qand miqdori tushib, ahvolim yanada og‘irlashyapti.
Qizim doimiy ko‘makka muhtoj, bir o‘pkasi yaxshi rivojlanmagan. Ba’zan havo yetmay hushidan ketib qoladi. Turmush o‘rtog‘im bolalarimga aliment to‘lamaydi, uy-joy o‘ziniki bo‘lmagani uchun bizga ulush ham ajratib bermadi. Meni va ikki qizimni endigina 12 yoshga to‘lgan Muhammadsolih ismli o‘g‘lim boqyapti. U ko‘chada bodroq va muzqaymoq sotib, ro‘zg‘orlik qilib kelyapti.
Yaxshi insonlar ortirilgan epilepsiya kasalligini davolash yoki xurujlarini kamaytirish imkoni bor. Ammo davolanishga menda imkon yo‘q. Uch farzandim uchun sog‘ayib ketishim kerak.
Iltimos, oilamga qo‘lingizdan kelgancha ko‘mak beringlar, — deydi bemor Dildora Egamberdiyeva.
Dildora Egamberdiyevaga xayriya qilishni istasangiz,
8600 0610 8986 1180
Egamberdiyeva Dildoraxon
Murojaat uchun telefon: +998-770-001-84-23
Izoh (0)