“Меҳридарё” лойиҳасига Тошкент шаҳрида яшовчи Вилоят Қосимова мурожаат қилиб, тўрт ойдан буён жарроҳлик амалиётидан қолган асоратлардан азият чекаётгани ва молиявий имконияти сабаб даволана олмаётганини маълум қилди.
— 2022 йил кучли бош оғриғи, ҳушдан кечиш ва хотира сусайиши кузатилгани учун Тошкентдаги шифокорлар, Ҳиндистонга бориб жарроҳлик амалиётини ўтказиб келишни тавсия қилишди. Ҳиндистонлик шифокорлар жиддий текширувлардан ўтказиб, нафақат муаммо бош қисмимда, балки ўт пуфак ва жигарда ҳам борлигини аниқлашди. Жарроҳлик амалиёти 9 соат давом этди. Ҳиндистонда жароҳат ип билан эмас, махсус сим билан тикилар экан. “Олти ойдан кейин симларни олишимиз керак”, дейишди. Оилавий шароитим сабаб у ерда қололмасдим, шу боис олти ойни кутмай Тошкентга қайтдим. Симларни Тошкентда олдирмоқчи бўлиб, бир нечта шифокорларга мурожаат қилдим. Аммо улар бу амалиёт Ҳиндистонда амалга оширилгани учун ўша ерга боришим ва операция қилган жарроҳгина уни олишга ҳақли эканлигини айтишяпти. Ҳозир симларни олдиришга тўрт ой кечикдим, чунки йўл пули ва тиббий харажатлар учун маблағ тўплолмаяпман. Йиринг йиғилаётгани сабаб, жигаримда тинимсиз оғриқ бор, озиб, рангим ҳам сўлғин бўлиб қолган.
Ҳозир қўлимда 1 500 доллар пулим бор. Аммо Ҳиндистонга боришим учун 4 000 АҚШ доллари керак экан. Оилалиман, турмуш ўртоғим ва 3 нафар вояга етмаган фарзандим бор. Улар учун ҳам ҳаётга қайтишим, соғлиғимни тиклашим керак. Хайрия лойиҳасида иштирок этишга ҳам иккиландим, иложсизликдан халқдан ёрдам сўраяпман, — дейди Вилоят Қосимова.
Вилоят Қосимовага хайрия қилишни истасангиз,
5614 6808 0929 9270
(Косимова Вилоят)
Мурожаат учун телефон: +998 93) 057 75 15
Изоҳ (0)