Xitoy Xalq Respublikasi raisi Si Szinpin bugun 70 yoshni qarshiladi. Shu munosabat bilan “RBK” siyosatchining hokimiyatga kelishi va oilaviy hayotiga oid o‘nta faktni to‘pladi.
70 yosh. Si Szinpin1953-yil 15-iyun kuni Pekinda taniqli inqilobchi va siyosiy arbob Si Chjunsyun oilasida tug‘ilgan. Otasi turli lavozimlarda, shu jumladan 1959-yildan 1962-yilgacha XXR Davlat kengashi raisining o‘rinbosari bo‘lib ishlagan. Onasi Si Sin butun umri davomida Xitoy Kommunistik partiyasi Markaziy qo‘mitasining Markaziy partiya maktabida ishlagan. Ular to‘rt farzandni voyaga yetkazgan.
Si Szinpin (birinchi qator markazda) onasi Si Sin va otasi Si Chjunsyun (orqa qator markazdada), ukasi va opa-singillari bilan, 1960-yil
1962-yilda otasi hibsga olinib, mol-mulki musodara qilinganida Si deyarli o‘n yoshda edi. Qamalgan odamning o‘g‘li bo‘lishiga qaramay, 1966-yilda u o‘zi o‘qiyotgan maktabning Qizil gvardiyasiga qo‘shiladi. O‘sha paytda “Rais Mao dushmanlari”ning oila a’zolarini ta’qib qilish boshlanganidan so‘ng, Si so‘roq uchun olib ketiladi, keyin koloniyaga jo‘natiladi, u yerdan ko‘p marotaba qochib ketadi va oxir-oqibat uysiz bolaga aylanadi.
Si Shensi provinsiyasining Fuping okrugi shaharchasiga buvisinikiga ko‘chib o‘tganida 15 yoshda edi.
1973-yilda, Si 20 yoshga to‘lganida, surgun qilingan pekinliklarga poytaxtdagi nufuzli Sinxua universitetiga sirtdan kirish imtihonlarini topshirishga ruxsat beriladi. Si kimyo yo‘nalishiga kiradi. 1990-yillarda u shu universitetning Gumanitar fanlar fakultetida “marksistik nazariya va g‘oyaviy-siyosiy tarbiya” yo‘nalishi bo‘yicha aspiranturada o‘qiydi.
Si Kommunistik partiyaga o‘ninchi urinishda kirgan.
Si Szinpin 17 yil davomida Tayvanga qo‘shni Futszyan qirg‘oq provinsiyasida ishlagan. U 1985-yilda qadimiy Syamen shahrida ish boshlagan, u yerda mamlakatdagi birinchi erkin iqtisodiy zonalardan biri Si Szinpin davrida ishga tushirilgan va faol rivojlana boshlagan. Siyosatchi provinsiyaning eng qashshoq tumanlaridan biri — Nindeda, so‘ng provinsiya markazi Fuchjouda ishlagan.
Si 2007-yilning martidan oktabrigacha Shanxayda sakkiz oy faoliyat yuritgan, shundan so‘ng u XXR raisligiga kurashning so‘nggi bosqichini boshlash uchun iste’foga chiqqan. U 2008-yil mart oyida Xitoy Xalq Respublikasi vitse-prezidenti, 2013-yil mart oyida esa raisi bo‘ldi. Si o‘z atrofiga, asosan, Futszyan va Shanxayda birga ishlagan odamlarini to‘pladi.
Uch muddat. 2023-yil 10-mart kuni Si Szinpin tarixda ilk bor uchinchi marta Xitoy prezidenti etib saylandi. Mamlakat rahbariyatining rotatsiya tartibini buzish uchun Konstitutsiyani o‘zgartirish kerak edi — bu ish 2018-yildayoq amalga oshirilgan.
Si Szinpin ikki marta oila qurgan. Birinchi rafiqasi XXRning Buyuk Britaniyadagi elchisi bo‘lgan yuqori martabali diplomatning qizi Ke Linlin edi. Rafiqasi undan Londonga birga ketishni talab qilgan, ammo Si rad etgan va ular ajrashgan. Si ikkinchi marta 1987-yilda turmush qurdi — u xitoylik estrada yulduzi, Xitoy Xalq ozodlik armiyasining ashula va raqs ansambli solisti Pen Liyuanga uylandi. Si XXR raisi bo‘lganidan keyin rafiqasi o‘z chiqishlarini to‘xtatdi va armiya Badiiy akademiyasining rahbari bo‘ldi.
Yagona farzandi. Si va Penning nikohida bir nafar farzand — 1992-yilda tug‘ilgan qizi Si Mintsze bor. U AQSHdagi Garvard universitetida oliy ta’limni olgan, omma e’tiboridan yiroq hayot kechiradi.
Izoh (0)