Toshkent shahrida O‘zbekiston—Germaniya forumi bo‘lib o‘tdi. Bu haqda Uzbekistan Airports axborot xizmati xabar berdi.
Germaniyadan kelgan turoperator va u ommaviy axborot vositalari delegatsiyasi uchun O‘zbekiston Turizm va madaniy meros vazirligi tomonidan o‘tkazilayotgan infoturning yakuniy tadbiri bo‘lib o‘tgan.
Birinchi yalpi majlisda Silk Avia kompaniyasi direktorining biznesni rivojlantirish bo‘yicha o‘rinbosari Ruslan Nurislamov aviakompaniya va Uzbekistan Airports kompaniyasi vakili sifatida tabrik so‘zi bilan chiqdi.
“Bugungi kunda Yevropa, afsuski, O‘zbekiston aeroportlari orqali o‘tuvchi havo transporti yo‘nalishlari umumiy hajmining kichik foizini egallaydi. Yevropa shaharlariga to‘g‘ridan to‘g‘ri reyslarni faqat Uzbekistan Airways amalga oshiradi yoki Istanbul orqali tranzit tashuvni Turk havo yo‘llari amalga oshiradi.
O‘zbekistonga yo‘lovchi reyslarini amalga oshiruvchi yagona Yevropa kompaniyasi Vengriyaning WizzAir loukosteridir. Ayni paytda Toshkentdan Yevropa shaharlariga haftasiga 108 ta, Samarqanddan 14 ta, Urganchdan 12 ta va Buxorodan 4 ta reys amalga oshirilmoqda”, — dedi Ruslan Nurislomov.
Uzbekistan Airports kompaniyasi O‘zbekiston va Yevropa, xususan, Germaniya shaharlari o‘rtasida havo qatnovini rivojlantirish zarurligiga ishonadi. Chunki, o‘tgan yil yakunlariga ko‘ra, O‘zbekistonga Germaniyadan eng ko‘p sayyohlik guruhlari kelgan. 2022-yilda ushbu mamlakatning 17,7 ming fuqarosi respublikaga tashrif buyurdi. Ikkinchi o‘rinda — Fransiya fuqarolari, uchinchi o‘rinda — Buyuk Britaniya.
Shuningdek, forum doirasida turizmni rivojlantirish bo‘yicha qo‘shma tajriba, ikki mamlakat vakillarini qiziqtirayotgan turizm turlari, xususan, ekskursiya va ekoturizm masalalari muhokama qilindi hamda sayyohlik oqimlari almashinuvi bo‘yicha hamkorlik aloqalarini yanada rivojlantirishga kelishib olindi.
Izoh (0)