Qashqadaryo viloyatining Yakkabog‘ tumanida Open budget mablag‘iga qurilayotgan asfalt yo‘l talabga javob bermasligi, masʼullar buni nazorat qilmayotgani xabar qilindi.
“Hurmatli yo‘l qurilishi masʼullari, ‘Darxon’ mahallasi, Dotqush qishlog‘idagi Munchoqtepa ko‘chasiga quyilgan asfalt talabga javob bermaydi. Bitum umuman quyilmagan. Qo‘l kuchi bilan yorilib ketmoqda. Hali birorta mashina yurgani yo‘q, lekin asfalt yorilib ketyapti. Mashina yursa nima ahvolga keladi, bilmaymiz”, — deydi aholi vakillari yo‘ldagi asfaltning sifatsizligidan shikoyat qilar ekan.
Aholining aytishicha, ularda asfalt yo‘lga bitum qo‘shilmaganini isbotlovchi videomaterial ham mavjud.
“Asfalt yo‘lga bitum qo‘shilmagani uchun hozirdan yorilib ketmoqda. Kesak ham bundan qattiq. Qalinligini-ku gapirmasak ham bo‘ladi. Kecha yog‘gan ozgina yomg‘ir ham o‘tib ketgan. Nomiga asfaltmi asfalt deb ketishgan”, — deydi murojaatchilar.
Aholining “Daryo”ga yuborgan keyingi videosida mazkur muammoga tuman hokimligi masʼullari eʼtibor qaratgani aytiladi.
“Muammo tez orada yechimini topishi maʼlum qilindi. Tuman hokimining qurilish masalalari bo‘yicha o‘rinbosari voqea joyiga kelib, hali ish tugallanmaganini, hamma muammo joyida hal etilishini aytdi”, — deydi murojaatchi aholi.
Avvalroq Qashqadaryo viloyatining Dehqonobod tumanidagi mahallada yo‘l taʼmiri sifatsiz, asfalt talabga javob bermasligi xabar qilindi. Hokimlik bu kamchilik uch kun avval tuzatilganini bildirgandi.
Izoh (2)
Torisini etganda xuddi xitoydaka yol tutish kere yol qurilishiga kim masul bosa yoli 30yil ichida yoroqsiz holga kemidigan sifatli qurbermasa qamoq jazosi qollanilishi kere
Bizanikila maza qib chontega uradi pulli qoganiga qilindi diyilishi uchun qol uchida qib qoyadi qachonki tepadila nazoratti kuchaytirmas ekan ahvol shu
Ҳаммасини отиш керак пешонасидан, порахўрлар. Ўғрилар