“Milliy tiklanish” demokratik partiyasi raisi Alisher Qodirov bugun prezident ishtirokida bo‘lib o‘tgan referendum yakunlariga bag‘ishlangan uchrashuv hamda yangilangan Konstitutsiya yuzasidan fikrlarini bildirdi.
“Referendum — O‘zbekistonda yangi davr boshlanganining huquqiy asosi, huquqiy poydevor yaratilganining yaqqol bir dalili. Xalqimizning juda katta qismi O‘zbekistondagi aynan shu o‘zgarishlarni maʼqullab berdi. Bu o‘z-o‘zidan mamlakat oldidagi mana shu vazifalarni bajarishning huquqiy asoslarni yaratish va ularni hal etishni talab qiladi. Bugungi yig‘ilishda davlat rahbari, parlament vakillari, jamoatchilik aʼzolari, siyosiy partiyalar birga ”endi mamlakatda yangi davrda nimalarni amalga oshirish kerak?“ degan muhokama bo‘ldi”, — deydi u.
“Milliy tiklanish” demokratik partiyasi raisi referendumda xalq yangi Konstitutsiyani tasdiqlagani va yangi huquqiy maydon yuzaga kelganini taʼkidladi.
“Bugun davlat rahbari o‘z oldidagi 3,5 yillik prezidentlik muddatidan kechib, yangi prezidentlik saylovini eʼlon qilish bo‘yicha taklifini kiritdi. Biz siyosiy partiya sifatida bu taklifni maʼqulladik”, — deya qo‘shimcha qiladi Alisher Qodirov.
Izoh (0)