Sirdaryo viloyatida 6—8-may kunlari “Zamonaviy baxshichilik san‘ati: oltin merosning yangi ohanglari” mavzusidagi III xalqaro ilmiy-amaliy konferensiya bo‘lib o‘tdi. Bu haqda “Daryo” muxbiri xabar bermoqda.
Anjumanda Qozog‘iston, Qirg‘iziston, Ozarbayjon, Rossiya, Turkiya, Vengriya, Koreya Respublikasi, Yaponiya kabi 30 dan ortiq mamlakatdan sohaning yetuk mutaxassislari ishtirok etdi. Shuningdek, O‘zbekistonning turli oliy o‘quv yurtlarida, ilmiy-tadqiqot institutlarida faoliyat yuritayotgan folklorshunos olimlar, baxshichilik va xalq og‘zaki ijodi masalalariga qiziquvchi tadqiqotchilar ham sohaga aloqador ilmiy-nazariy maqolalari bilan qatnashdi.
III xalqaro baxshichilik sanʼati festivali doirasida o‘tkazilgan ko‘rik-tanlovda bosh sovrin – Gran-prini Ilhom Norov (O‘zbekiston) qo‘lga kiritdi. G‘olibga 7 ming dollar pul mukofoti berildi.
1-o‘rin Sariyev Garyagdi (Turkmaniston), Salamat Ayapov (O‘zbekiston), Sandan Ares (Rossiya), Risbay Isakov (Qirg‘iziston)ga berildi. Har bir g‘olibga 2500 dollar pul mukofoti berildi.
2-o‘ringa Rasulbek Abdurahmonov (O‘zbekiston), Nugzar Kavtaradze (Gruziya), Sarvar Sabri Kamal (Hindiston), Yaroslav Dmitrov Xristov (Bolgariya) sazovor bo‘ldi. Har bir g‘olibga 1750 dollar pul mukofoti berildi.
3-o‘ringa Dilmurod Gulmurodov (O‘zbekiston), Serik Jaqsiqulov (Qozog‘iston), Erdane Vat Yesun (Mongoliya), Shin Ja Sun (Janubiy Koreya) munosib topildi. Har bir g‘olibga 1250 dollar pul mukofoti berildi.
Shuningdek, turli nominatsiya va yo‘nalishlar bo‘yicha ham g‘olib va sovrindorlar taqdirlandi.
Anjuman yakunida baxshichilik san‘ati istiqboli bilan bog‘liq rezolyutsiya qabul qilindi.
Izoh (0)