Qonunchilik palatasining Fuqarolar sog‘lig‘ini saqlash masalalari qo‘mitasi raisi Yelena Borisova yangilangan Konstitutsiya yuzasidan fikrlarini bildirib o‘tdi.
Borisova Konstitutsion referendum tarixiy voqea ekanligini aytdi.
“Odamlar o‘z mamlakati Konstitutsiyasi yangilanishi uchun ovoz berdi. Albatta, 90 foizdan ko‘proq odamlar aynan Konstitutsiyani qo‘llab-quvvatlagani aholining yangi Konstitutsiyada yozilgan ijtimoiy-huquqiy o‘zgarishlarga ishonchini bildiradi”, — deydi u.
Yelena Borisova bugun prezident yangi Konstitutsiya mamlakat rivojlanishi uchun turtki bo‘lishini taʼkidlaganini aytdi.
“Bu davlat o‘z zimmasiga olgan Konstitutsiyaning tegishli normalarini hayotga tadbiq etishda barcha hokimiyat organlari, rahbarlar, deputat va senatorlar zimmasiga ulkan masʼuliyat borligini anglatadi. Konstitutsiya mohiyatan inson shaʼni va qadr-qimmati uchun yangilangani sababli xalq bizdan real harakat kutmoqda. Bu juda muhim”, — deya qo‘shimcha qiladi Qonunchilik palatasining Fuqarolar sog‘lig‘ini saqlash masalalari qo‘mitasi raisi.
Izoh (1)
kutmaydigan bópqogan xalq