“Davlatning yoshlar oldida majburiyat olayotgani — juda katta tarixiy voqea” — Yoshlar ittifoqi markaziy kengashi raisi

O‘zbekiston yoshlar ittifoqi markaziy kengashi raisi vazifasini bajaruvchi Temurbek Poyonov yangilangan Konstitutsiya yuzasidan o‘z fikrlarini bildirdi. 

Uning so‘zlariga ko‘ra, yangilangan Konstitutsiya yozilishida, bevosita, uning takliflarini ham, qabul qilish jarayonida ham asosiy kuch — O‘zbekiston xalqining o‘zi bo‘ldi. 

“Hurmatli prezidentimiz o‘zlarining maʼruzalarida yoshlar siyosatini yanada yangi bosqichga olib chiqish bo‘yicha alohida to‘xtalib o‘tdilar. Meni quvontirgan narsa, yangilangan Konstitutsiyada bevosita yoshlarga oid bobning kiritilishi va ularga oid normalarni ikki baravarga ko‘paytirilishi bo‘ldi. 

Yana bir narsa, davlatning yoshlar oldida majburiyat olayotgani juda katta tarixiy voqea desam mubolag‘a bo‘lmaydi”, — deydi Temurbek Poyonov.