“Aprel oyi holatiga ko‘ra O‘zbekistondagi suv omborlarida o‘tgan uch yillikdagi eng kam suv yig‘ildi” — Suv xo‘jaligi vazirligi

Joriy yilning 25-aprel holatiga O‘zbekistondagi suv omborlarda jami 9,6 mlrd kub metr suv yig‘ilgan bo‘lib, bu ko‘rsatkich o‘rtacha o‘tgan uch yillikka nisbatan 643 mlrd kub metr — 94 foizga kam bo‘lmoqda. Bu haqda Suv xo‘jaligi matbuot xizmati “Daryo”ga ma’lum qildi.

O‘zgidromet tomonidan taqdim etilgan ma’lumotga asosan 2023-yil vegetatsiya davrida Amudaryo va Sirdaryo havzalari daryolarida suv sarfi me’yorga nisbatan: Farg‘ona vodiysi janubidagi daryolar havzalarida va Norin havzasida 100-110 foiz, Vaxsh, Qoradaryo havzalarida, Farg‘ona vodiysi shimolidagi daryolar havzalarida 90-100 foiz, Chirchiq havzasida 85-95 foiz, Zarafshon va Ohangaron havzalarida 80-90 foiz, Qashqadaryo havzasida 75-85 foiz, Surxondaryo havzasida 70-80 foiz bo‘lishi kutilmoqda. O‘zgidromet tomonidan taqdim etilgan ma’lumotga asosan 2023-yil vegetatsiya davrida Amudaryo va Sirdaryo havzalari daryolarida suv sarfi me’yorga nisbatan: Farg‘ona vodiysi janubidagi daryolar havzalarida va Norin havzasida 100-110 foiz, Vaxsh, Qoradaryo havzalarida, Farg‘ona vodiysi shimolidagi daryolar havzalarida 90-100 foiz, Chirchiq havzasida 85-95 foiz, Zarafshon va Ohangaron havzalarida 80-90 foiz, Qashqadaryo havzasida 75-85 foiz, Surxondaryo havzasida 70-80 foiz bo‘lishi kutilmoqda.

“2023-yil 25-aprel holatiga respublikamizdagi suv omborlarda jami 9,6 mlrd kub metr suv yig‘ilgan bo‘lib, bu ko‘rsatkich o‘rtacha o‘tgan uch yillikka nisbatan 643 million kub metr — 94 foizga kam bo‘lmoqda. Joriy yilda bahor oylarida respublikada yog‘ingarchilikning me’yordan kam kuzatilishi, ob-havoning quruq kelishi sababli qishloq xo‘jaligi ekin maydonlarini suv bilan ta’minlash maqsadida suv omborlar va suv manbalar orqali sug‘orish ishlari uchun 1-apreldan boshlab shu kunga qadar 2,5 mlrd kub metrdan ortiq suv yetkazib berildi”, — deyiladi vazirlik axborotida.

Olingan suv bilan mavsum boshidan buyon 1 mln 322 ming gektar maydonda g‘alla sug‘orish, sho‘r yuvish, nam suvi berish hamda tomorqa va boshqa qishloq xo‘jaligi ekin maydonlari sug‘orilgan. 2023-yil sug‘orish mavsumi uchun respublika bo‘yicha jami suv manbalaridan 31 mlrd 747 mln kub metr suv olish limiti ajratilgan. 

Shundan 28 mlrd 453 mln kub metr suv qishloq xo‘jaligi maqsadlari uchun belgilangan.

Qo‘shimcha qilinishicha, vegetatsiya mavsumida 3 mlrd kub metrdan ortiq suvni tejaydigan texnologiyalarni joriy qilish, yerlarni lazer tekislash, irrigatsiya tarmoqlarida suv yo‘qotilishini kamaytirish uchun betonlashtirish belgilangan, shuningdek, nasos stansyalarini rekonstruksiya qilish, AKT va raqamli texnologiyalarni joriy etish, ekinlarni joylashtirishda suv kam talab qiladigan ekinlar ulushini ko‘paytirish va sholini intensiv usulda ekish hamda ekin maydonlarida qo‘shimcha agrotexnik tadbirlarni amalga oshirish hisobidan iqtisod qilinib, qoplanishi rejalashtirilgan.
 
Yil davomida suv tejaydigan texnologiyalarni, irrigatsiya, agrotexnik hamda raqamlashtirish tadbirlarini amalga oshirish hisobidan 7 millirad kub metr suvni tejash ko‘zda tutilgan.