Rossiyada 2021 va 2022-yillar davomida jabrlanuvchilarning nochor holatidan foydalangan holda shahvoniy xarakterdagi zo‘ravonlik harakatlarini, shuningdek, voyaga yetmaganlarga nisbatan axloqsiz harakatlar sodir etgan O‘zbekiston fuqarosiga hukm o‘qildi. Bu haqda “Ia41.ru” xabar berdi.
Sud ma’lumotlariga ko‘ra, Petropavlovsk-Kamchatskiy shahri fuqarosi ikki yil davomida 12-13 yoshli qizlar bilan jinsiy aloqaga kirishgan.
“Ayblanuvchi qizlardan biri 12 yoshga ham kirmaganini bilgan holda, qolgan qizlar 12 yoshga to‘lgan, biroq 14 yoshga to‘lmagan, jinsiy ehtiyojlarini qondirish maqsadida ularning normal jismoniy va aqliy rivojlanishiga putur yetkazish, ularga nisbatan qasddan, takroran, shu jumladan, bog‘da, turar-joy binosining yerto‘lasida, tashlandiq binolarda, shuningdek avtomashinada jinsiy harakatlarni sodir etgan”, — deyiladi shahar sudi xabarida.
Sud hukmi bilan u 19 yilga ozodlikdan mahrum etildi, mahkum qattiq rejimdagi axloq tuzatish koloniyasida jazo o‘taydi. Bundan tashqari, sud ma’naviy zararni undirish bo‘yicha da’voni ham qanoatlantirgan, sudlanuvchi jabrlangan shaxslarga 700 ming rubl (8,5 ming AQSH dollari) to‘lashi kerak.
2019-yilning noyabrida Rossiyaning Leningrad viloyatida o‘zbekistonlik murabbiy o‘z shogirdini zo‘rlaganlikda gumonlanib qo‘lga olingan edi. 2022-yil mayda esa Rossiyada 41 yoshli O‘zbekiston fuqarosi 14 yoshli qizga tegajog‘lik qilganlikda gumonlanib, ushlangan.
Izoh (1)
Узбек узбек дейсилар шуми янгиликлар хайф сенларга