Жорий йилнинг 25 апрель ҳолатига Ўзбекистондаги сув омборларда жами 9,6 млрд куб метр сув йиғилган бўлиб, бу кўрсаткич ўртача ўтган уч йилликка нисбатан 643 млрд куб метр — 94 фоизга кам бўлмоқда. Бу ҳақда Сув хўжалиги матбуот хизмати “Дарё”га маълум қилди.
Ўзгидромет томонидан тақдим этилган маълумотга асосан 2023 йил вегетация даврида Амударё ва Сирдарё ҳавзалари дарёларида сув сарфи меъёрга нисбатан: Фарғона водийси жанубидаги дарёлар ҳавзаларида ва Норин ҳавзасида 100-110 фоиз, Вахш, Қорадарё ҳавзаларида, Фарғона водийси шимолидаги дарёлар ҳавзаларида 90-100 фоиз, Чирчиқ ҳавзасида 85-95 фоиз, Зарафшон ва Оҳангарон ҳавзаларида 80-90 фоиз, Қашқадарё ҳавзасида 75-85 фоиз, Сурхондарё ҳавзасида 70-80 фоиз бўлиши кутилмоқда. Ўзгидромет томонидан тақдим этилган маълумотга асосан 2023 йил вегетация даврида Амударё ва Сирдарё ҳавзалари дарёларида сув сарфи меъёрга нисбатан: Фарғона водийси жанубидаги дарёлар ҳавзаларида ва Норин ҳавзасида 100-110 фоиз, Вахш, Қорадарё ҳавзаларида, Фарғона водийси шимолидаги дарёлар ҳавзаларида 90-100 фоиз, Чирчиқ ҳавзасида 85-95 фоиз, Зарафшон ва Оҳангарон ҳавзаларида 80-90 фоиз, Қашқадарё ҳавзасида 75-85 фоиз, Сурхондарё ҳавзасида 70-80 фоиз бўлиши кутилмоқда.
“2023 йил 25 апрель ҳолатига республикамиздаги сув омборларда жами 9,6 млрд куб метр сув йиғилган бўлиб, бу кўрсаткич ўртача ўтган уч йилликка нисбатан 643 миллион куб метр — 94 фоизга кам бўлмоқда. Жорий йилда баҳор ойларида республикада ёғингарчиликнинг меъёрдан кам кузатилиши, об-ҳавонинг қуруқ келиши сабабли қишлоқ хўжалиги экин майдонларини сув билан таъминлаш мақсадида сув омборлар ва сув манбалар орқали суғориш ишлари учун 1 апрелдан бошлаб шу кунга қадар 2,5 млрд куб метрдан ортиқ сув етказиб берилди”, — дейилади вазирлик ахборотида.
Олинган сув билан мавсум бошидан буён 1 млн 322 минг гектар майдонда ғалла суғориш, шўр ювиш, нам суви бериш ҳамда томорқа ва бошқа қишлоқ хўжалиги экин майдонлари суғорилган. 2023 йил суғориш мавсуми учун республика бўйича жами сув манбаларидан 31 млрд 747 млн куб метр сув олиш лимити ажратилган.
Шундан 28 млрд 453 млн куб метр сув қишлоқ хўжалиги мақсадлари учун белгиланган.
Қўшимча қилинишича, вегетация мавсумида 3 млрд куб метрдан ортиқ сувни тежайдиган технологияларни жорий қилиш, ерларни лазер текислаш, ирригация тармоқларида сув йўқотилишини камайтириш учун бетонлаштириш белгиланган, шунингдек, насос стансяларини реконструкция қилиш, АКТ ва рақамли технологияларни жорий этиш, экинларни жойлаштиришда сув кам талаб қиладиган экинлар улушини кўпайтириш ва шолини интенсив усулда экиш ҳамда экин майдонларида қўшимча агротехник тадбирларни амалга ошириш ҳисобидан иқтисод қилиниб, қопланиши режалаштирилган.
Йил давомида сув тежайдиган технологияларни, ирригация, агротехник ҳамда рақамлаштириш тадбирларини амалга ошириш ҳисобидан 7 миллирад куб метр сувни тежаш кўзда тутилган.
Изоҳ (0)