Ramazon oyi boshidan hozirga qadar “Vaqf” xayriya jamoat fondiga 1 milliard 238 million 460 ming so‘mdan ortiq mablag‘ qabul qilindi. Bu haqda brifingda fond rahbari ma’lum qildi.
O‘tgan hafta davomida respublika bo‘ylab 393 ta oilaga 69 million 90 ming so‘mlik oziq-ovqat mahsulotlari, moddiy ko‘makka muhtoj 48 nafar fuqaroga 56 million 300 ming so‘mlik pul mablag‘lari hamda 910 nafardan ortiq fuqarolar uchun iftorlik dasturxonlari yozildi.
Ramazon oyining uchinchi haftasi davomida fond tomonidan aholining ijtimoiy ko‘makka muhtoj qatlami, diniy soha xodimlari hamda diniy ta’lim muassasalari talabalari uchun 382 million 100 ming so‘mlik xayriya ishlari amalga oshirildi.
Umumiy hisobda ramazon oyi boshidan bugunga qadar 1 025 ta oilaga 178 million 820 ming so‘mlik oziq-ovqat mahsulotlari, 97 nafar fuqaroga 123 million 900 ming so‘mlik pul mablag‘lari xayriya qilinib, 2 110 nafardan ortiq fuqarolar uchun iftorlik dasturxonlari yozildi. Oy davomida jami 715 million 930 ming so‘mlik xayriya ishlari amalga oshirildi.
Izoh (0)