Farg‘ona shahrida yashovchi ayol 8 oylik chaqalog‘ini sotayotgan vaqtda qo‘lga olindi. Bu haqda viloyat Ichki ishlar boshqarmasi axborot xizmati xabar berdi.
Ma’lum bo‘lishicha, ayol “Yangi asr” ko‘chasidagi massajxonada yashab, shu yerda ishlagan. U o‘zining chaqalog‘ini sotib, undan tushadigan pul evaziga uy olmoqchi ekani aniqlangan.
Viloyat Ichki ishlar boshqarmasi xodimlari tomonidan Uchko‘prik tumani “Katta Kenagas” qishlog‘ida o‘tkazilgan tezkor tadbirda ayol o‘z farzandini 10 ming AQSH dollariga sotayotgan vaqtda qo‘lga olingan.
“Uyim yo‘qligi sababli bolamni 10 ming dollarga sotmoqchi bo‘ldim. Qilgan ishimdan afsusdaman. Bilmasdan qildim”, — deydi ayol. Hozirda holat yuzasidan tergovga qadar tekshiruv harakatlari olib borilmoqda.
Izoh (0)