Farg‘ona shahrida fuqaroning kartasidan qariyb 50 million so‘m pul o‘g‘irlagan shaxslar ushlandi. Bu haqda viloyat Ichki ishlar boshqarmasi axborot xizmati xabar berdi.
Fuqaro N.A. ichki ishlar bo‘limiga murojaat qilib, 30-yanvar kuni noma’lum shaxslar uning bank kartasiga kompyuter orqali ruxsasiz kirib, hisobidagi 47 million 235 ming so‘mni yechib olganini ma’lum qilgan.
Holat yuzasidan Jinoyat kodeksining 169-moddasi 3-qismi “b” bandi (o‘g‘irlik) bilan jinoyat ishi qo‘zg‘atilgan. Olib borilgan tezkor-surishtiruv ishlari davomida ushbu jinoyatni fuqaro A.Y. va Sh.Sh. sodir etgani aniqlanib, protsessual tartibda ushlangan.
Izoh (0)