Фарғона шаҳрида фуқаронинг картасидан қарийб 50 миллион сўм пул ўғирлаган шахслар ушланди. Бу ҳақда вилоят Ички ишлар бошқармаси ахборот хизмати хабар берди.
Фуқаро Н.А. ички ишлар бўлимига мурожаат қилиб, 30 январь куни номаълум шахслар унинг банк картасига компьютер орқали рухсасиз кириб, ҳисобидаги 47 миллион 235 минг сўмни ечиб олганини маълум қилган.
Ҳолат юзасидан Жиноят кодексининг 169-моддаси 3-қисми “б” банди (ўғирлик) билан жиноят иши қўзғатилган. Олиб борилган тезкор-суриштирув ишлари давомида ушбу жиноятни фуқаро А.Й. ва Ш.Ш. содир этгани аниқланиб, процессуал тартибда ушланган.
Изоҳ (0)