Qoraqalpog‘istonning Nukus shahrida uch yoshli qizini 1,5 ming dollarga sotayotgan ayol qo‘lga olindi. Bu haqda Ichki ishlar vazirligi axborot xizmati xabar berdi.
Xabarga ko‘ra, 5-aprel kuni Nukus shahrida 2001-yilda tug‘ilgan ayol o‘zining 2020-yilda tug‘ilgan qizini pulga sotayotgan vaqtda tegishli idora vakillari tomonidan dalillar bilan qo‘lga olindi.
Hozirda holat yuzasidan Jinoyat kodeksining 135-moddasi 3-qismi bilan jinoyat ishi qo‘zg‘atilib, dastlabki tergov-surishtiruv ishlari olib borilmoqda. Ayol bugungi kunda ishsiz bo‘lgan farzandining otasi bilan ajrashgan va qizini o‘z qaramog‘ida boqib kelgan.
Qayd etilishicha, qizaloq hozirgi kunda mehribonlik uyiga jo‘natilgan.
Izoh (0)