Instagram: Zohid Risqiyev farzandli bo‘ldi, Shohruxxon Istanbulda operatsiya qilindi, “Million”ni yana bir aktyor tark etmoqda

Jahon va o‘zbek shou-biznesi vakillarining Instagram sahifalariga joylashtirilgan qiziqarli foto va videolarni e’tiboringizga havola etamiz.

Xonanda Nilufar Usmonova Turkiyadagi klinikalarning birida salomatligini tekshiruvdan o‘tkazayotgani haqida muxlislariga gapirib berdi.

“Million” kulgi jamoasi a’zosi Davron Kabulov bu yil jamoani Mirkomil Musayev tark etishini ma’lum qildi.

Xonanda Shohruxxon Istanbulda operatsiya qilinayotgani haqida so‘zlab berdi. Shuningdek ,u operatsiyadan so‘ng yanada yaxshi ijod qilishini ta’kidladi.

Asal Shodiyeva operatsiyaga kirib ketayotgan Shohruxxonni qo’llab-quvvatlagani aks etgan videoni obunachilariga ko‘rsatdi.

Bahora Arslonova “Gohi shodlik, gohi g‘am” hind kinosidagi sahnani qayta ijro etdi.

12-aprel kuni O‘zbekistonda xizmat ko‘rsatgan artist Gulchehra Sa’dullayeva 73 yoshini qarshi oldi. Aktrisa Muqaddas Sa’dullayeva onasini tabriklagani aks etgan videoni folloverlariga ko‘rsatdi.

“Ummon” guruhi xonandasi Zohid Risqiyev ilk marta ota bo‘ldi. Bu haqda xonandaning rafiqasi o‘z sahifasida ma’lum qildi.

Vazira Yunusova uchinchi farzandini dunyoga keltirganidan keyin oilasida qiyinchiliklar bo‘lgani, reklamada bir kun ishlab, arzimas pul berishgani haqida so‘zlab berdi.

Aktrisa Shahlo Zoirova rossiyalik teleboshlovchi Leonid Yakubovich bilan uchrashdi va unga to‘n kiydirdi.

O‘zbekiston xalq artisti Turkmanistondagi xizmat safarida bo‘lgan voqea haqida gapirib berib, hozirgi ayrim kattalarga joy berishni, hurmat qilishni bilmaydigan yoshlarga murojaat yo‘lladi.

Aktrisa Sitora Farmonova insondagi har bir narsa: yuzi, libosi, xayollari go‘zal bo‘lishi kerakligini aytdi.

Xonanda Lola insonlarga bir-biriga samimiy bo‘lishni, tabassum qilish kerakligini eslatdi. Shuningdek, Lola ko‘chada undan yordam so‘ragan insonning iltimosini bajargani aks etgan videoni e’lon qildi.

Aktrisa Maftuna Shokirova onasini Umra safariga kuzatdi.

Raqqosa Parizoda o’zining shaxsiy brendi ostidagi sumkalarni sotuvga chiqarganini ma‘lum qildi.

Xonanda Hilola Hamidova aeroportda uchuvchi bilan tushgan suratini muxlislariga ko‘rsatdi.

Aktyor va xonanda Sharof Muqimov 11-aprel kuni 41 yoshni qarshi oldi. Xonanda rafiqasi uni tug‘ilgan kuni bilan tabriklagani aks etgan videoni sahifasiga joyladi.

Xonanda Shuhrat Daryo yangi loyihasining suratga olish jarayonlaridagi kadrni obunachilariga namoyish qildi.