Farzand tarbiyasida otaning ham, onaning ham o‘ziga yarasha o‘rni bor. Biroq hayotda hech narsa to‘kis bo‘lmaganidek, ba’zan farzandlar noto‘liq oilalarda voyaga yetadi. O‘zbek shou-biznesi vakillari orasida omadsiz turmushi yoki turmush o‘rtog‘ining vafoti sabab farzandini yolg‘iz tarbiyalayotgan ayollar ko‘p.
Milena Madmusayeva
Milena Madmusayeva 2016-yili o‘z prodyuseri Abduhamid Xalilovga turmushga chiqqandi. Juftlik 2017-yilning 1-aprel sanasida qiz farzandli bo‘lishgan. Afsuski, oradan ko‘p o‘tmay ularning ajrashgani haqidagi xabarlar tarqadi. Ayni damda Milena Madmusayeva qizi Sorani yolg‘iz tarbiyalamoqda.
Aziza Yoqubova
“Jurnalist” serialidagi roli bilan tanilgan aktrisa Aziza Yoqubova 2020-yili ikkinchi bor turmushga chiqqandi. Ancha yil Yasmina ismli qizi bilan yolg‘iz yashagan aktrisaga barcha baxt tilagandi. Afsuski, Aziza oradan olti oy ham o‘tmay, xiyonat tufayli eri bilan kelishmovchilikka borgani haqida ma’lum qildi. Uning ikkinchi turmushidan Muhammadamir ismli o‘g‘li bor. Hozirgi kunda u ikki nafar farzandini yolg‘iz tarbiya qilmoqda.
Nilufar Usmonova
Xonanda Nilufar Usmonova erta turmushga chiqqan. U 17 yoshida yosh huquqshunos Novzod Saidgaziyev bilan oila qurgan. Ular 2004-yili o‘g‘il farzandli bo‘lishdi. Afsuski, ularning turmushi uzoqqa bormay darz ketdi. Shundan so‘ng xonanda yana oila qurib, to‘rt nafar farzandni dunyoga keltirdi. Hozirda xonanda besh farzandini yolg‘iz katta qilayotganini aytadi.
Dilnoza Kubayeva
Dilnoza Kubayeva 2008-yili o‘z muxlisi bilan oila qurgan. Aktrisaning aytishicha, rahmatli turmush o‘rtog‘i uni “Kelgindi kelin” filmida ko‘rib, yoqtirib qolgan. Afsuski, og‘ir xastalik sabab turmush o‘rtog‘i 30 yoshda vafot etgan. Aktrisa hozirda Muhammadamin ismli o‘g‘lini tarbiyalamoqda.
Sitora Alimjonova
Aktrisa Sitora Alimjonova 2017-yili toshkentlik tadbirkor bilan oila qurgan. Ularning to‘yi Tailandning Pxuket orolida bo‘lib o‘tgan. Ammo to‘y suratlarining birortasida kuyov ko‘rinmagan. Aktrisa so‘nggi suhbatlarida yolg‘iz ekanligi va o‘g‘li Muhammadaminning tarbiyasi bilan bandligini ma’lum qilgan.
Sevinch Mo‘minova
Sevinch Mo‘minova ham bir necha yildan buyon qizi Leylani yolg‘iz tarbiyalab kelmoqda. Uning Sharof Muqimov bilan turmushi yetti yil davom etgan. Sharof Muqimov oila qurgan, Sevinch Mo‘minova esa hali oila qurgani yo‘q.
Husnora Shodiyeva
Boshlovchi Husnora Shodiyevaning to‘yi katta shov-shuvlarga sabab bo‘lgan bo‘lsa-da, baxtli kunlari uzoqqa cho‘zilmadi. U homiladorlik chog‘idayoq oilaviy kelishmovchiliklar sabab turmushidan ajrashgan. Hozirda u Salim ismli o‘g‘lini yolg‘iz tarbiyalamoqda. Husnora Shodiyeva intervyularining birida uylanmagan yigit unga sovchi qo‘ygani, ammo o‘g‘lini onasiga qoldirishni so‘rashganida u rozi bo‘lmagani haqida gapirib bergan.
Kamila Gimandinova
“Qadam” serialidagi roli bilan tomoshabinlar e’tiboriga tushgan aktrisa Kamila Gimandinova ham qizi bilan yolg‘iz yashamoqda. Uning ham turmushi bor-yo‘g‘i bir necha oy davom etgan. Aktrisa turmush o‘rtog‘i bilan ajrashishiga jiddiy sabablar bo‘lgani va hozircha qizi Aylinni yolg‘iz tarbiyalayotganini aytgan.
Feruza Jumaniyozova
Xonanda Feruza Jumaniyozova 2010-yili sinfdoshi bilan oila qurgan. Afsuski, oradan ko‘p o‘tmay ijodkor oilasi darz ketganini ma’lum qildi. Hozirgi kunda u o‘g‘li Abdullohni yolg‘iz tarbiyalamoqda.
Izoh (0)