Instagram: Зоҳид Рисқиев фарзандли бўлди, Шоҳруххон Истанбулда операция қилинди, “Миллион”ни яна бир актёр тарк этмоқда 

Жаҳон ва ўзбек шоу-бизнеси вакилларининг Instagram саҳифаларига жойлаштирилган қизиқарли фото ва видеоларни эътиборингизга ҳавола этамиз.

Хонанда Нилуфар Усмонова Туркиядаги клиникаларнинг бирида саломатлигини текширувдан ўтказаётгани ҳақида мухлисларига гапириб берди.

“Миллион” кулги жамоаси аъзоси Даврон Кабулов бу йил жамоани Миркомил Мусаев тарк этишини маълум қилди.

Хонанда Шоҳруххон Истанбулда операция қилинаётгани ҳақида сўзлаб берди. Шунингдек ,у операциядан сўнг янада яхши ижод қилишини таъкидлади.

Асал Шодиева операцияга кириб кетаётган Шоҳруххонни қўллаб-қувватлагани акс этган видеони обуначиларига кўрсатди.

Баҳора Арслонова “Гоҳи шодлик, гоҳи ғам” ҳинд киносидаги саҳнани қайта ижро этди.

12 апрель куни Ўзбекистонда хизмат кўрсатган артист Гулчеҳра Саъдуллаева 73 ёшини қарши олди. Актриса Муқаддас Саъдуллаева онасини табриклагани акс этган видеони фолловерларига кўрсатди.

“Уммон” гуруҳи хонандаси Зоҳид Рисқиев илк марта ота бўлди. Бу ҳақда хонанданинг рафиқаси ўз саҳифасида маълум қилди.

Вазира Юнусова учинчи фарзандини дунёга келтирганидан кейин оиласида қийинчиликлар бўлгани, рекламада бир кун ишлаб, арзимас пул беришгани ҳақида сўзлаб берди.

Актриса Шаҳло Зоирова россиялик телебошловчи Леонид Якубович билан учрашди ва унга тўн кийдирди.

Ўзбекистон халқ артисти Туркманистондаги хизмат сафарида бўлган воқеа ҳақида гапириб бериб, ҳозирги айрим катталарга жой беришни, ҳурмат қилишни билмайдиган ёшларга мурожаат йўллади.

Актриса Ситора Фармонова инсондаги ҳар бир нарса: юзи, либоси, хаёллари гўзал бўлиши кераклигини айтди.

Хонанда Лола инсонларга бир-бирига самимий бўлишни, табассум қилиш кераклигини эслатди. Шунингдек, Лола кўчада ундан ёрдам сўраган инсоннинг илтимосини бажаргани акс этган видеони эълон қилди.

Актриса Мафтуна Шокирова онасини Умра сафарига кузатди.

Раққоса Паризода ўзининг шахсий бренди остидаги сумкаларни сотувга чиқарганини маълум қилди.

Хонанда Ҳилола Ҳамидова аэропортда учувчи билан тушган суратини мухлисларига кўрсатди.

Актёр ва хонанда Шароф Муқимов 11 апрель куни 41 ёшни қарши олди. Хонанда рафиқаси уни туғилган куни билан табриклагани акс этган видеони саҳифасига жойлади.

Хонанда Шуҳрат Дарё янги лойиҳасининг суратга олиш жараёнларидаги кадрни обуначиларига намойиш қилди.