Favqulodda vaziyatlar vazirligi Urganch shahar Olimpiya stadionida yong‘in chiqani aytilgan xabarlarga rasmiy munosabat bildirdi.
Qayd etilishicha, 10-aprel kuni Urganch shahar Pahlavon Mahmud ko‘chasida joylashgan “Olimpiya” sport majmuasida viloyat Favqulodda vaziyatlar boshqarmasi, Urganch shahar hokimligi hamda boshqa tegishli tashkilotlar hamkorligida amaliy-taktik o‘quv mashqlari o‘tkazilgan.
“Tadbirda ikkita yong‘in-qutqaruv ekipaji qatnashib, o‘quv mashqi shartlariga ko‘ra mash‘ala shartli ravishda yoqilgan. Mazkur tadbir soat 22:40 dan 23:30 gacha davom etgan”, — deyiladi munosabatda.
Kuni kecha Navoiyda 3 qavatli qurilish mollari savdo markazida yong‘in chiqqani to‘g‘risida xabar berilgandi. Mart oxirlarida Toshkentning Shayxontohur tumanida plastmassa mahsulotlarini saqlash omborida yong‘in yuz bergani ma’lum qilingandi. Shuningdek, Andijondagi ko‘p qavatli uyda yong‘in chiqqani, Xorazmdagi paxta zavodida yong‘in sodir bo‘lgani to‘g‘risida xabar berilgandi.
Izoh (0)