Andijon shahar 1-kichik daha Amir Temur ko‘chasida joylashgan ko‘p qavatli uyda yong‘in yuz berdi.
FVV matbuot xizmatining ma’lum qilishicha, yong‘in sodir bo‘layotgani to‘g‘risida xabar 5-mart kuni soat 17:33 da kelib tushgan. Shunga ko‘ra 12 ta yong‘in-qutqaruv ekipaji soat 17:36 da voqea joyiga yetib borib, yong‘in soat 18:05 da qurshab olingan va soat 18:26 da bartaraf etilgan.
Yong‘in natijasida uyning taxminan 250 kvadrat metr maydonda tom qismi yonib zararlangan. Tomning 300 kvadrat metr maydoni yong‘indan saqlab qolingan.
Yong‘in oqibatida tan jarohati olgan va halok bo‘lganlar yo‘q. Hozirda yong‘in sababi va moddiy zarar miqdori aniqlanmoqda.
Izoh (0)