Bu filmlar oddiy va samimiy bo‘lib, ular yuqori reytingga ega emas. Tanqidchilar tomonidan e’tirof etilmagan, kino akademiklari ham ularga “Oskar” bermagan. Lekin aynan shuning uchun ularni sevib, tomosha qilamiz.
“Rafiqam bo‘l”
Plastik jarroh Denni (Adam Sandler) bo‘ydoqligini yashirish uchun qizlarni soxta unashtiruv uzuklari bilan aldab kelardi. Biroq uning hayotida Palmer (Bruklin Dekker) paydo bo‘ladi. Bir yolg‘onni tushuntirish uchun Denni boshqa bir yolg‘on to‘qishi, shu bilan birga, yordamchisi Ketrinni (Jennifer Eniston) ham bu mashmashaga tortishi kerak.
“Sen uxlayotganingda”
Shahar elektrichkasining xodimi Lyusi Moderats vokzalda o‘g‘rilar tomonidan tunab ketilgan kelishgan yigitni poyezd ostidan qutqarib qoladi. Yigitning oilasi esa Lyusini uning qaylig‘i deb o‘ylaydi. Komada bo‘lgan yigitning ukasi Lyusining oddiy va samimiyligi uchun sevib qoladi.
“Onasining bolasi”
Onalarimiz uchun biz necha yoshda bo‘lishimizdan qat’i nazar, doimo yosh bola bo‘lib qolamiz. Politsiya zobiti Jo Bomovskini (Silvester Stallone) ko‘rish uchun onasi unikiga keladi va o‘g‘lining hayotini tubdan o‘zgartirishga muvaffaq bo‘ladi.
“Tyorner va Huch”
Tergov jarayonida politsiya xodimi Skott Tyorner ish bo‘yicha yagona guvoh Huch laqabli it ekanligini aniqlaydi. Tergovchining uni uyiga olib ketishdan boshqa chorasi qolmaydi va o‘sha paytdan boshlab uning hayoti butunlay o‘zgarib ketadi.
“Oy nuri sehri”
Mashhur ingliz illyuzionisti Stenli Krouford (Kolin Fert) firibgar Sofi Beykerni (Emma Stoun) fosh qilish uchun do‘stining iltimosiga binoan Fransiyaga boradi. Yosh amerikalik ayol seanslar olib boradi va juda badavlat oilaning qarindoshlari ruhlari bilan suhbatlashadi. Stenli tajribali mutaxassis sifatida qizni firibgarlik yo‘lidan qaytarishga harakat qiladi.
“Anonim romantiklar”
Anjelika ajoyib qandolatchi va shokoladdan haqiqiy mo‘jizalar yaratishni biladi. Jan-Rene shokolad fabrikasining egasi, qiz shu fabrikaga ish izlab keladi. Taqdirning o‘zi bu ikkalasini birlashtirganga o‘xshaydi, ammo bir muammo bor: ikkalasi ham patologik jihatdan uyatchan.
“Muzeydagi tun”
Ish qidirib yurgan Larri (Ben Stiller) Tabiat tarixi muzeyida tungi qorovul bo‘lib ishga olinadi. Avvaliga hammasi joyida edi, lekin tun boshlanishi bilan aqlbovar qilmaydigan hodisalar bo‘lishni boshlaydi: muzeyning barcha eksponatlari jonlanadi.
“Janob Popper va pingvinlari”
Muvaffaqiyatli birja brokeri Tom Popper (Jim Kerri) subantarktika pingvinini meros qilib oladi, keyin esa manzil xato berilgani sabab yana beshtasini oladi. Uning sobiq xotini va bolalari bilan munosabatlari yaxshi emas, buning ustiga bir talay ishi ham bor. Qizig‘i shundaki, pingvinlar janob Popperga muammolarini yengishga yordam beradi.
Izoh (0)