So‘nggi yillarda Jonni Depp Jek Chittak obrazini oldingi ijrolariga qaraganda boshqacharoq gavdalantirmoqda. Aktyor o‘z fe‘l-atvorini tubdan o‘zgartirgan va unga ko‘plab qiziqarli o‘ziga xos xususiyatlarni bergan ishtiyoqning yetishmayotgani seziladi.
Buning sababi bor, Depp Uolt Disney kompaniyasi rahbari Dik Kuk tufayli “Karib dengizi qaroqchilari” loyihasi ustida ishlashni yaxshi ko‘rganini aytdi. U Jonni Jek Chittakda amalga oshirishni istagan barcha o‘zgarishlarni qo‘llab-quvvatlaganlardan biri edi. Biroq filmning uchinchi qismidan keyin Kuk ishdan bo‘shatildi va Jonni Depp uning “ishtiyoqida” darz ketish borligini aytgan.
Jek qilichbozlik bo‘yicha ajoyib qobiliyatga ega, biroq “Karib dengizi qaroqchilari: Qora marvarid tavqi la’nati” filmining mualliflari Jonnini barcha bosh qahramonlar orasida eng yomon qilichboz sifatida belgilagan. Ularning fikriga ko‘ra, qahramonlar orasidagi eng yaxshi qilichbozlar — Uill Tyorner va Jeyms Norrington.
“Karib dengizi qaroqchilari: Dunyolar chegarasida” filmida “Birodarlik kengashi” sahnasi ko‘rsatilgan. Bu birinchi marta Kalipso taqdirini hal qilish uchun tashkil etilgan qaroqchilar yig‘ilishi bo‘ladi. Filmda qaroqchilar qaroqchilikni qanday saqlab qolish va yolg‘iz o‘lmaslik haqida qaror qabul qilish uchun birlashadi. Keyin ular Kalipsoni qo‘yib yuborishga qaror qilish kerak, degan xulosaga keladi.
“Birodarlik kengashi” fantastik ko‘rinishga ega bo‘lishiga qaramay, hayotda unga o‘xshashi mavjud edi. U “Sohil birodarligi” deb nomlangan va Atlantika okeani, Karib dengizi va Meksika ko‘rfazidagi qaroqchilarni qamrab olgan va Tortuga orolida joylashgan edi. “Sohil birodarligi” “Qora yelkanlar” serialida ham namoyish etilgan.
Dastlab “Karib dengizi qaroqchilari: Murdalar ertak aytmaydi” filmi kinokartinaning yakuniy qismi bo‘lishi rejalashtirilgan. Biroq studiya o‘zining juda foydali franshizasidan voz kechishga jur’at eta olmadi va filmning keyingi qismini e’lon qildi. Jonni Depp Ember Xard bilan sudlashgandan keyin, filmning oltinchi qismini suratga olish ishlari to‘xtatildi, keyinroq esa Depp roldan butunlay chetlashtirildi.
Jonni Deppning juda ko‘p tatuirovkalari bor va ularning aksariyati Karib dengizi qaroqchilariga xos emas. Shu sababli aktyor tatuirovkalarni yopish kerak edi. Deppning tatuirovkalarini kiyim bilan yopish mumkin bo‘lmagan joyda ularga ko‘mir surtilgan. Bundan tashqari, uning o‘zi ham Jek Chittakning tatuirovkasiga ega edi va Jonni birinchi filmda suratga tushganidan keyin ulardan birini o‘chirtirib tashladi.
2010-yilda “Karib dengizi qaroqchilari: G‘arib dengizlarda” filmini suratga olish chog‘ida Jonni Depp 9 yoshli muxlisidan o‘ziga va sinfdoshlariga o‘qituvchilarga qarshi isyon ko‘tarishga yordam berishini so‘raganini yozgan maktubni oldi. Jonni hech kimni ogohlantirmasdan, o‘zining kostyumida yaqin atrofdagi maktabga bordi va o‘sha maktab o‘quvchisini topdi va undan isyon qilmaslikni so‘radi.
Jek gilyotinadagi savatga qaraganda, ikkita baxtsiz insonni ko‘radi. Aniqrog‘i, ularda turgan ikkita bosh Yokim Ryonning va Espen Sandbergga tegishli bo‘ladi. Yokim va Espen “Karib dengizi qaroqchilari: Murdalar ertak aytmaydi” filmini suratga olgan rejissorlar hisoblanadi.
“Karib dengizi qaroqchilari: Dunyolar chegarasida” filmi 2007-yilda chiqarilgan paytda kinokartina qismlaridagi eng qimmat loyihaga aylandi. Film budjeti 300 million dollarni tashkil etdi, bu miqdor Piter Jeksonning “Uzuklar hukmdori” trilogiyasidan ko‘p, uning loyihasi bor-yo‘g‘i 281 million dollar mablag‘ yig‘gan.
Izoh (0)