Бу фильмлар оддий ва самимий бўлиб, улар юқори рейтингга эга эмас. Танқидчилар томонидан эътироф этилмаган, кино академиклари ҳам уларга “Оскар” бермаган. Лекин айнан шунинг учун уларни севиб, томоша қиламиз.
“Рафиқам бўл”
Пластик жарроҳ Дэнни (Адам Сандлер) бўйдоқлигини яшириш учун қизларни сохта унаштирув узуклари билан алдаб келарди. Бироқ унинг ҳаётида Palmer (Бруклин Деккер) пайдо бўлади. Бир ёлғонни тушунтириш учун Дэнни бошқа бир ёлғон тўқиши, шу билан бирга, ёрдамчиси Кетринни (Женнифер Энистон) ҳам бу машмашага тортиши керак.
“Сен ухлаётганингда”
Шаҳар электричкасининг ходими Люси Moderaц вокзалда ўғрилар томонидан тунаб кетилган келишган йигитни поезд остидан қутқариб қолади. Йигитнинг оиласи эса Люсини унинг қайлиғи деб ўйлайди. Комада бўлган йигитнинг укаси Люсининг оддий ва самимийлиги учун севиб қолади.
“Онасининг боласи”
Оналаримиз учун биз неча ёшда бўлишимиздан қатъи назар, доимо ёш бола бўлиб қоламиз. Полиция зобити Жо Бомовскини (Силвестер Сталлоне) кўриш учун онаси уникига келади ва ўғлининг ҳаётини тубдан ўзгартиришга муваффақ бўлади.
“Тёрнер ва Ҳуч”
Тергов жараёнида полиция ходими Скотт Тёрнер иш бўйича ягона гувоҳ Ҳуч лақабли ит эканлигини аниқлайди. Терговчининг уни уйига олиб кетишдан бошқа чораси қолмайди ва ўша пайтдан бошлаб унинг ҳаёти бутунлай ўзгариб кетади.
“Ой нури сеҳри”
Машҳур инглиз иллюзионисти Стенли Кроуфорд (Колин Ферт) фирибгар Софи Бейкерни (Эмма Стоун) фош қилиш учун дўстининг илтимосига биноан Францияга боради. Ёш америкалик аёл сеанслар олиб боради ва жуда бадавлат оиланинг қариндошлари руҳлари билан суҳбатлашади. Стенли тажрибали мутахассис сифатида қизни фирибгарлик йўлидан қайтаришга ҳаракат қилади.
“Аноним романтиклар”
Анжелика ажойиб қандолатчи ва шоколаддан ҳақиқий мўжизалар яратишни билади. Жан-Рене шоколад фабрикасининг эгаси, қиз шу фабрикага иш излаб келади. Тақдирнинг ўзи бу иккаласини бирлаштирганга ўхшайди, аммо бир муаммо бор: иккаласи ҳам патологик жиҳатдан уятчан.
“Музейдаги тун”
Иш қидириб юрган Ларри (Бен Стиллер) Табиат тарихи музейида тунги қоровул бўлиб ишга олинади. Аввалига ҳаммаси жойида эди, лекин тун бошланиши билан ақл бовар қилмайдиган ҳодисалар бўлишни бошлайди: музейнинг барча экспонатлари жонланади.
“Жаноб Поппер ва пингвинлари”
Муваффақиятли биржа брокери Том Поппер (Жим Керри) субантарктика пингвинини мерос қилиб олади, кейин эса манзил хато берилгани сабаб яна бештасини олади. Унинг собиқ хотини ва болалари билан муносабатлари яхши эмас, бунинг устига бир талай иши ҳам бор. Қизиғи шундаки, пингвинлар жаноб Попперга муаммоларини енгишга ёрдам беради.
Изоҳ (0)