Taniqli turk aktyori Chag‘atoy Ulusoy 2022-yilda uchta loyihada suratga tushishni rejalashtirgan edi. Uning ishtirokidagi ikkita loyiha suratga olindi, uchinchisining suratga olish ishlari davom etmoqda. Aktyor “Tikuvchi” serialida kelishgan tikuvchi yigit rolini ijro etgan bo‘lsa, “Jentlmen” filmidagi obrazini gavdalantirdi. U “Kyubra” ilmiy-fantastik trilleridagi ijtimoiy tarmoqning ishtiyoqli foydalanuvchisi rolini o‘ynaydi.
Burak Deniz va Hande Erchel yana bitta loyihaning suratga olish maydonchasida uchrashadi. Juftlik “Ikki begona” serialida birga rol ijro etadi.
Tims&B tomonidan imzolangan “Ikki begona” serialining suratga olish ishlari aprel oyida boshlanadi. Yangi 2023—2024-yilgi mavsumda FOX telekanalida namoyish etiladigan serialning dastlabki 3 ta epizodini suratga olish ishlarini yakunlash rejalashtirilgan. Qolgan qismlar odatdagidek, ya’ni haftasiga 1 ta qismning suratga olish ishlari bo‘ladi.
Detektiv sarguzasht yo‘nalishda suratga olinayotgan serial qotillikdan keyin prokuror Leyla (bu rolni aktrisa Hande Erchel ijro etgan) va taniqli teleboshlovchi Kenan O‘zturkning (Burak Deniz ijrosida) hayotiy yo‘llari kesishishi haqida hikoya qiladi.
“Oila uchun” loyihasining uch mavsumdan beri tomoshabinlar e’tiboridan tushmay kelayotgan aktyori Onur Seyit Yaran dunyo bo‘yicha mashhur brenddan tushgan reklama taklifidan so‘ng Ispaniyaga yo‘l oldi. Ma’lum bo‘lishicha, Onur Seyit Yaran Ispaniyadagi taniqli avtomobil brendi bilan reklama muzokaralarini olib bormoqda.
Qizi tug‘ilgandan so‘ng ijodiy faoliyatida tanaffus qilgan O‘zge O‘zpirinji yana televideniye ekranlariga qaytmoqda.
Aktrisa ishtirok etayotgan teatr loyihasidan tashqari, unga yangi “Oila” loyihasida rol o‘ynash taklifi tushdi, biroq Serenay Sarikaya Derin roliga ma’qullangach, uning nomzodi qaytarib olindi.
Keyinchalik O‘zge bir qancha takliflarni oldi va O3 Media tomonidan suratga olinadigan yangi raqamli loyihani tanladi. U serialda ishtirok etish uchun shartnoma imzolash bosqichida. Shartnoma imzolangandan so‘ng suratga olish ishlari boshlanadi.
“Kumush” serialidagi roli bilan tomoshabinlarga tanish bo‘lgan Serdar O‘rchin “Adolat” loyihasining 2-3 qismda taklif etilgan mehmon sifatida ishtirok etmoqda. U loyihada boshqa prokuror rolini o‘ynaydi. Aktyor ijodiy faoliyati davomida 52 ta loyihada suratga tushgan. U “Kumush” serialida bosh qahramonning do‘sti Onurning singlisiga oshiq bo‘ladi.
Aktrisa Sevinch Erol “Hukm” serialining yana bir yulduzi hisoblanadi. U Yektaning o‘g‘li Tilmen O‘merning onasi rolini ijro etadi. Uning Yesin ismli qahramoni so‘nggi epizodda paydo bo‘ladi. Aslida Sevinch Erol va Do‘g‘och Yildiz ona va o‘g‘il hisoblanadi.
.jpg)
2017-yilda turmush qurgan Hande Soral va Ismoil Demirji 2022-yilda ota-ona bo‘ldi. Odatda, yosh ota-onalar farzandining yuzini ko‘rsatmaslikka harakat qiladi, biroq Hande va Ismoil bu qoidani buzdi va o‘z akkauntiga 10 oylik chaqalog‘i bilan oilaviy tushgan suratini joylashtirdi. Baxtli oila tomoshabinlarning ko‘plab like’lariga va ijobiy fikrlarga ega bo‘ldi.
Murat Yildirim va uning turmush o‘rtog‘i Imon Albani ham qizlarini tarbiya qilib, baxtli kunlarni o‘tkazmoqda. Juftlik ijtimoiy tarmoqdagi akkauntlarida oilaviy suratini muxlislariga taqdim etdi.
Izoh (0)