Qoraqalpog‘istonning Ellikqalʼa tumanida poyezd relslari orasida qolib ketgan erkakning boshi uzilib tushishi oqibatida vafot etgani xabar berilgandi. Transport prokuraturasining maʼlumot berishicha, marhum 44 yoshda bo‘lgan.
“Aniqlanishicha, joriy yilning 24-mart kuni soat 16:00 larda 053-sonli Qo‘ng‘irot—Toshkent yo‘nalishidagi yo‘lovchi poyezdi Ellikqala—To‘rtko‘l bekatlari oralig‘idagi 552-kilometrning 5-to‘sig‘ida 1979-yil tug‘ilgan fuqaro X.Sh.ni ehtiyotsizligi natijasida bosib ketgan. Olgan tan jarohatlari natijasida fuqaro voqea joyida vafot etgan”, — deyiladi rasmiylar axborotida.
Qo‘shimcha qilinishicha, holat yuzasidan Orolbo‘yi transport prokuraturasi tomonidan tergovga qadar tekshiruv harakatlari olib borilmoqda.
Avvalroq Buxoro viloyatidagi yuk poyezdi ayol kishini bosib ketishi oqibatida vafot etgani, Namanganda esa ayolni poyezd relslari ikki bo‘lib tashlagani, Qashqadaryoda esa 2,5 yoshli bola poyezd tagida qolib, vafot etgani xabar berilgandi.
Izoh (0)