Қорақалпоғистоннинг Элликқалъа туманида поезд релслари орасида қолиб кетган эркакнинг боши узилиб тушиши оқибатида вафот этгани хабар берилганди. Транспорт прокуратурасининг маълумот беришича, марҳум 44 ёшда бўлган.
“Аниқланишича, жорий йилнинг 24 март куни соат 16:00 ларда 053-сонли Қўнғирот—Тошкент йўналишидаги йўловчи поезди Элликқала—Тўрткўл бекатлари оралиғидаги 552-километрнинг 5-тўсиғида 1979 йил туғилган фуқаро Х.Ш.ни эҳтиётсизлиги натижасида босиб кетган. Олган тан жароҳатлари натижасида фуқаро воқеа жойида вафот этган”, — дейилади расмийлар ахборотида.
Қўшимча қилинишича, ҳолат юзасидан Оролбўйи транспорт прокуратураси томонидан терговга қадар текширув ҳаракатлари олиб борилмоқда.
Аввалроқ Бухоро вилоятидаги юк поезди аёл кишини босиб кетиши оқибатида вафот этгани, Наманганда эса аёлни поезд релслари икки бўлиб ташлагани, Қашқадарёда эса 2,5 ёшли бола поезд тагида қолиб, вафот этгани хабар берилганди.
Изоҳ (0)