Ijtimoiy tarmoqning qoraqalpoq segmentida Qoraqalpog‘istonda poyezd erkak kishini bosib ketgani aks etgan suratlar tarqaldi. Bu haqda “Daryo” muxbiri xabar berdi.
“Daryo”ga maʼlum bo‘lishicha, voqea 24-mart kuni tongda Qoraqalpog‘istonning Ellikqalʼa tumanidagi “Qilchinoq” OFY hududida sodir bo‘lgan.
Aniqlanishicha, ruhiy hasta erkak poyezd relslari orasida qolib ketgan.
“Achinarlisi, poyezd relslari marhumning boshini tanasidan uzib tashlagan. Oqibatda erkak shu vaqtning o‘zida vafot etgan. Holat yuzasidan hozircha rasmiy maʼlumot berilmadi”, — deydi “Daryo” manbasi.
“Daryo” muxbirini qiziqtirgan savollarga javob berishga uringan Ellikqalʼa tumani hokimligi axborot xizmati voqea yuzasidan tergovga qadar tekshiruv jarayonlari olib borilayotganini ma’lum qilgan.
Izoh (0)