Samarqand viloyati Paxtachi tumanida oltin qazib olishga sharoit qilib berish uchun 1300 dollar olgan shaxs ushlandi. Bu haqda Iqtisodiy jinoyatlarga qarshi kurashish departamenti axborot xizmati xabar berdi.
Xabarga ko‘ra, holat Bosh prokuratura huzuridagi Departamentning Paxtachi tuman bo‘limi tomonidan DXX xodimlari bilan hamkorlikda o‘tkazilgan tezkor tadbirda aniqlangan. Tadbirda S.H. boshqa bir fuqaro F.D.ning ishonchiga kirib, tanishlari yordamida “Qoraqo‘ton" tog‘ida oltin qazib olishi uchun sharoit yaratib berishi evaziga 1300 AQSH dollarini olgan vaqtida ashyoviy dalillar bilan ushlangan.
Mazkur holatlar yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishlari qo‘zg‘atilib, tergov harakatlari olib borilmoqda.
Izoh (0)