Qo‘yliq–Sergeli metro yo‘nalishida 24-mart kuni sinov tariqasida poyezdlarning texnik qatnovi boshlandi. Bu haqda Transport vazirligi axborot xizmati xabar berdi.
Xabarga ko‘ra, 24-mart kuni Toshkent meropoliteni yerusti halqa yo‘lining II bosqichi Qo‘yliq–Sergeli yo‘nalishida qurib bitkazilgan 5 ta bekatda sinov tariqasida poyezdlarning texnik qatnovi boshlandi. Shu munosabat bilan tashkil etilgan tadbirda Transport vazirligi, “Toshkent metropoliteni” DUK rahbariyati, “Boshtransloyiha” AJ, “O‘zbekiston temir yo‘llari” AJ mutasaddilari hamda OAV vakillari ishtirok etdi.
Hozirda yerusti halqa metro yo‘lining II bosqichi – 8,5 km uzunlikdagi 5 ta bekatni o‘z ichiga olgan Qo‘yliq–Quruvchilar qismi qurib bitkazilgan bo‘lib, loyihaning 3,8 km uzunlikdagi 2 ta bekatni o‘z ichiga oluvchi Quruvchilar–Qipchoq qismida qurilish ishlari olib borilmoqda.
Qayd etilishicha, texnik sinovlardan so‘ng mazkur yo‘nalishda yo‘lovchi tashuvlarining boshlanishi natijasida bir kunda 40 minga yaqin yo‘lovchiga xizmat ko‘rsatiladi.
Izoh (0)