Kreml matbuot kotibi Dmitriy Peskov “Kiyev rejimining jinoyatlari” bo‘yicha ma’lumot to‘planayotganini aytib, bu keyinchalik uning ustidan tribunal yaratishda asos bo‘lishini aytdi. Bu haqda “Izvestiya” xabar berdi.
Rossiya Tergov qo‘mitasi Kiyev rejimining “jinoyati” bo‘yicha dalillarni to‘plashda puxta ish olib borayotgani, bu esa keyinchalik tribunal asosini tashkil etishi ma’lum qilindi.
“Bu bo‘yicha tegishli ish olib borilayotganini bilamiz. Tergov qo‘mitasi Kiyev rejimining barcha ‘jinoyatlarini’ diqqat bilan qayd etmoqda. Juda shiddatli, puxta, mashaqqatli ishlar olib borilmoqda. Bu materiallar albatta, bunday tribunalning asosini tashkil qilishi mumkin”, — dedi u.
Avvalroq Rossiya Tergov qo‘mitasi rahbari Aleksandr Bastrikin Ukraina “harbiy jinoyatchilari” ustidan sud jarayoni tashkil etishni taklif qilgandi. U G‘arb xalqaro sud organlarini Rossiyani javobgarlikka tortishga tayyorlayotgani, shu sababli javob choralarini tayyorlash zarurligini aytgan.
Putinni hibsga olish orderi
XJS 17-mart kuni Vladimir Putin va bolalar ombudsmani Mariya Lvova-Belovani hibsga olishga order berdi. Ular ukrainalik bolalarni Rossiyaga majburan deportatsiya qilishda ayblanmoqda.
Putin Rim statusini ratifikatsiya qilgan dunyoning 123 ta davlatidan istalganida tribunal talabiga binoan hibsga olinishi mumkin. Ular orasida Tojikiston ham bor.
Izoh (0)