Ukraina prezidenti ofisi rahbari maslahatchisi Mixail Podolyak Rossiya prezidenti Vladimir Putinning anneksiya qilingan Mariupolga tashrifi haqida fikr bildirdi. Podolyak sahifasida tegishli tvit qoldirdi.
“Jinoyatchi har doim jinoyat sodir bo‘lgan joyga intiladi. Sivilizatsiyalashgan dunyo mamlakatlari ‘urush rejissori’ (Putin) chegarani kesib o‘tsa, hibsga olinishini e’lon qilayotgan bir paytda, minglab Mariupol oilalarining qotillik tashkilotchisi shahar vayronalari va ommaviy qabrlarni tomosha qilish uchun keldi”, — deydi Podolyak.
Ukraina Mudofaa vazirligi “Putin xuddi o‘g‘ridek tunda Mariupolga tashrif buyurganini” qayd etadi.
“Tun faqat u xohlagan narsani ko‘rsatishga imkon beradi, buning ortidan maqsadli auditoriya Rossiya armiyasi tomonidan butunlay vayron qilingan shaharni ko‘rmaydi”, — deyiladi vazirlik bayonotida.
O‘z navbatida, xalq deputati Aleksey Goncharenko Putin haqiqatan ham Mariupolda bo‘lganmi, deya munosabat bildirgan. U Rossiya ommaviy axborot vositalari tomonidan e’lon qilingan kadrlarda Putin yo‘ldan chiqqan mashinalarga yo‘l bergani, odatda buning teskarisi bo‘lishini aytdi. Deputat shaharda komendantlik soati joriy qilingani, kadrlarda esa Putinni kechqurun odamlar kutib olganini ta’kidlagan.
G‘arb ommaviy axborot vositalari Ukrainaning bosib olingan Qrim va Mariupol hududlariga tashrifini Rossiya prezidentining uni hibsga olishga order bergan Xalqaro jinoiy sudga javob deb atamoqda. Yaqin kelajakda hibsga olish ehtimoli nihoyatda past bo‘lsa-da, Putin o‘zining hibsga olinishi haqidagi orderga izoh bermadi.
Putinning Mariupolga tashrifi
Rossiya prezidenti Vladimir Putin 19-mart kuni Mariupolga borgani haqida ma’lumot berildi. U shaharga vertolyotda yetib borgan, so‘ng mashina haydab, ora-orada to‘xtagan holda shahar tumanlari bo‘ylab aylangan. Putin u yerda bir necha obyektlarni ko‘zdan kechirib, mahalliy aholi bilan suhbatlashgan.
Izoh (0)