Кремл матбуот котиби Дмитрий Песков “Киев режимининг жиноятлари” бўйича маълумот тўпланаётганини айтиб, бу кейинчалик унинг устидан трибунал яратишда асос бўлишини айтди. Бу ҳақда “Известия” хабар берди.
Россия Тергов қўмитаси Киев режимининг “жинояти” бўйича далилларни тўплашда пухта иш олиб бораётгани, бу эса кейинчалик трибунал асосини ташкил этиши маълум қилинди.
“Бу бўйича тегишли иш олиб борилаётганини биламиз. Тергов қўмитаси Киев режимининг барча ‘жиноятлар’ини диққат билан қайд этмоқда. Жуда шиддатли, пухта, машаққатли ишлар олиб борилмоқда. Бу материаллар албатта, бундай трибуналнинг асосини ташкил қилиши мумкин”, — деди у.
Аввалроқ Россия Тергов қўмитаси раҳбари Александр Бастрикин Украина “ҳарбий жиноятчилари” устидан суд жараёни ташкил этишни таклиф қилганди. У Ғарб халқаро суд органларини Россияни жавобгарликка тортишга тайёрлаётгани, шу сабабли жавоб чораларини тайёрлаш зарурлигини айтган.
Путинни ҳибсга олиш ордери
ХЖС 17 март куни Владимир Путин ва болалар омбудсмани Мария Лвова-Беловани ҳибсга олишга ордер берди. Улар украиналик болаларни Россияга мажбуран депортация қилишда айбланмоқда.
Путин Рим статусини ратификация қилган дунёнинг 123 та давлатидан исталганида трибунал талабига биноан ҳибсга олиниши мумкин. Улар орасида Тожикистон ҳам бор.
Изоҳ (0)