NATO Rossiya bilan chegaralar yaqinida o‘z qo‘shinlari va harbiy texnika guruhini yanada kuchaytirish imkoniyatlarini ko‘rib chiqmoqda. Bu haqda Politico xabar berdi.
Ma’lum qilinishicha, alyans Ukrainadan tashqarida mumkin bo‘lgan harbiy harakatlarni to‘xtatishni ko‘zlamoqda. NATO rasmiylari sharqiy chegaralarga 300 ming askardan iborat guruh joylashtirishni ilgari surmoqda. Alyans qo‘shinlarining bir qismi o‘n kun ichida joylashtirilishga tayyor bo‘lgan 100 000 ga yaqin askardan iborat bo‘lishi mumkin. Uning tarkibiga Polsha, Norvegiya, Estoniya, Latviya va Litva harbiy xizmatchilari kirishi aytilmoqda. Ikkinchi qism birinchisini qo‘llab-quvvatlaydi va 10-30 kun ichida joylashtirishga tayyor bo‘lishi kerak.
Biroq bu strategiya NATO a’zolaridan katta sa’y-harakatlar talab qilishi mumkin. Jumladan, alyansning ko‘plab mamlakatlari o‘zlarining yetarli miqdorda o‘q-dorilar zaxirasi yo‘qligidan xavotirda, ularni to‘ldirish vaqt va pul talab qiladi.
Avvalroq The New York Times nashri NATOga a’zo 30 ta davlatdan 20 tasi Ukrainaga qurol jo‘natgani sababli harbiy resurslari sezilarli darajada kamayganini xabar qilgandi.
Izoh (0)